‘Ōronga‘ia ta‘au tauturu ngākau-tae

‘Ōronga‘ia ta‘au tauturu ngākau-tae, i te tauturu i to‘ou ‘ai taeake, kōpu tangata, e to‘ou ‘oire tangata, i mua ake, i te tuātau e tupu ra, e i muri ake, i te au manamanatā tupu po‘itirere.

‘Ōronga‘ia ta‘au tauturu ngākau-tae, no te ‘ākateretere‘anga i roto i te manamanatā tupu po‘itirere

Tei roto te Civil Defence Centre, me kore ra, te puna ‘oire tangata (community hub) i te ma‘ata‘anga o te au ‘oire tangata. Ka rauka i te matakeinanga i te ‘akaputuputu mai ki te ngā‘i ‘okota‘i, i te tuātau e tupu ra, e te tuātau i muri ake, i teta‘i manamanatā tupu po‘itirere, i te turu i teta‘i ki teta‘i.

I roto i te manamanatā tupu po‘itirere, ka tu‘era te au puna, e ka ‘akateretere‘ia e te au ‘oire tangata, kia rauka i te tangata i te putuputu mai ki te ngā‘i ‘okota‘i, i te tauturu i to ratou ‘oire tangata, i te tuātau e tupu ra, e i muri ake, i te mamamanatā tupu po‘itirere.

E ‘anga‘anga ta‘okota‘i ana te au New Zealand Response Teams, e te civil defence, i te turu i te au turanga tauturu i roto i te manamanatā tupu po‘itirere, e teta‘i atu au putuputu‘anga tauturu. Kua tu‘atu‘a‘ia teia au pupu na roto i Aotearoa.

Te ‘akatupu nei te National Emergency Management Agency, i teia ‘ati‘anga, i teta‘i turanga tauturu ngākau-tae mātūtū, e te ngāueue-kore, e te turanga no te ‘akateretere‘anga i te manamanatā tupu po‘itirere i roto i Aotearoa.

‘Ārāvei atu i to‘ou Civil Defence Emergency Management Group, no runga i te tauturu‘anga ngākau-tae.

New Zealand Response Teams (NZ-RT)

E pupu tangata, e pēpa to ratou no te tauturu i roto i te tuātau manamanatā tupu po‘itirere, te NZ-RTs. E turu ana ratou i te au Civil Defence Emergency Management Groups, e to ratou au ‘oire tangata i roto i teta‘i manamanatā tupu po‘itirere. E ‘anga‘anga ta‘okota‘i ana te NZ-RTs ki roto i te au turanga manamanatā tupu po‘itirere (emergency services). Te vai nei te au pupu na roto i Aotearoa.

E ma‘ata te au ‘anga‘anga tūkētūkē e rave ana te NZ-RTs i roto i teta‘i manamanatā tupu po‘itirere, mei te:

• turu‘anga i te au turanga manamanatā tupu po‘itirere (emergency services)
• tauturu‘anga i te neke i te tangata
• ‘akateretere‘anga i te au Civil Defence Centres
• ‘anga‘anga‘anga ki roto i te au Civil Defence Emergency Management Groups, i te ‘akapapa i te tauturu i roto i au manamanatā tupu po‘itirere.

Te ‘akatupu‘anga, i te tauturu‘anga ngākau-tae kia mātūtū, e te ngāueue-kore

Te ‘akatupu nei te National Emergency Management Agency, i teia ‘ati‘anga, i teta‘i turanga tauturu ngākau-tae mātūtū, e te ngāueue-kore, e te turanga no te ‘akateretere‘anga i te manamanatā tupu po‘itirere i roto i Aotearoa. Te ‘akakoro nei te National Emergency Management Agency, te Fire Emergency New Zealand, te New Zealand Police, te New Zealand Search and Rescue, e te Marae Ora, i te ‘akatupu i teta‘i turanga tau e te mātūtū no te au manamanatā o te tuātau ki mua.

Te New Zealand Search and Rescue

E ma‘ata te au putuputu‘anga tūkētūkē, te ‘ōronga nei i te tauturu no te turanga kimi ma te ‘akaora (search and rescue services) i roto i Aotearoa. E ‘anga‘anga ta‘okota‘i ana te Land Search & Rescue, Coastguard New Zealand, Amateur Radio Emergency Communications, e te Surf Life Saving New Zealand, i roto i te au manamanatā tupu po‘itirere, i te kimi i tei ngaro, e te aronga tei tukia‘ia e te mamae.

Te Whakarātonga Iwi (Fire and Emergency New Zealand)

Na te Whakaratonga Iwi (Fire and Emergency New Zealand) te ‘anga‘anga pāruru i te a‘i, te au rāvenga, e te tāmate‘anga.

Ōronga ngakau tae i to‘ou tuātau ki te Fire and Emergency New Zealand, i te tauturu i te au ‘oire tangata i te pāruru, te‘ate‘amamo, tauturu, e te ‘akaora‘anga mai mei roto i te au manamanatā tupu po‘itirere.

Te Volunteering New Zealand

E putuputu‘anga no te au puna tauturu ngākau-tae, e te au putuputu‘anga basileia, e teta‘i atu au putuputu‘anga te ‘akakoro ra i te tauturu ngākau-tae, te Volunteering New Zealand (VNZ).

Ka rauka i te VNZ i te ‘aka‘ārāvei atu iākoe ki teta‘i au rāvenga tauturu‘anga ngākau-tae.