Te ‘Akamatakite‘anga Manamanatā Tupu Po‘itirere i runga i te Terepōni ‘Āpaipai (Emergency Mobile Alert)

(Te vacuum ra teta‘i tangata tei roto i tōna dressing gown, e te slippers, i roto i tōna ngutu‘are, ki mua ake i teta‘i māramarama.)

Beep Beep [Te tangi ove ‘akamatakite‘anga manamanatā tupu po‘itirere, mei te terepōni]

(Ka rave pa‘aruā mai taua tangata ra, i tāna terepōni mei roto i tona poketi, ma te tāki atu i te reira ki runga, Ka kā mai te mōri rengarenga, e teta‘i āka ‘akairo po‘itirere.)

I te tauturu i te ‘akaponuiā‘au‘anga iā koe, me e manamanatā tupu po‘itirere teta‘i—

(Te taka ua ra te vacuum cleaner, e kua ‘akamata i te ngote atu i te ārai māramarama.)

—ka rauka i te au terepōni tau pouroa i te ‘āriki i te Emergency Mobile Alerts.

(Ka mono‘ia te tangata e vacuum cleaner tāna, e teta‘i tokorua te ‘akaipoipo‘ia ra, e teta‘i tangata ‘akaipoipo.)

Beep Beep [Te tangi ove ‘akamatakite]

(I te tāne e ‘u‘uti mai ra i te va‘ine i te ‘ongi iāia, ka kiriti mai te tokorua, e te tangata ‘akaipoipo, i ta ratou au terepōni, mei roto i to ratou au pōketi. Ka ngingiti teta‘i, e ka kā te au mōri rengarenga i runga i te au terepōni a te katoatoa, i te ‘akaāri i teta‘i āka to‘u‘anga po‘itirere. Ka ‘akmata te tāne i te ‘inga atu ki runga i te tāna va‘ine ‘ōu.)

(Ka ngaro atu te tokorua tei ‘akaipoipo‘ia. Ka ta‘a mai teta‘i frisbee na mua i te tua kauī o te screen. E au tumu rākau teta‘i, e, e au tiāorangi teta‘i i runga i te rangi. Te arumaki ra teta‘i puakāoa i te frisbee, e te arumaki ra teta‘i va‘ine, e kaka‘u terēni ‘oro tōna, i te puakāoa. Kua ‘aka‘oki atu te puakāoa i te frisbee, ki ko i te va‘ine, e kua pokipoki atu ‘aia i te upoko o te puakāoa.)

No reira, me rongo koe i teia tangi—

(Ka rave mai te va‘ine i te frisbee mei ko i te puakāoa, ma te pe‘i atu kia kapo te puakāoa)

Beep Beep [Te tangi ove ‘akamatakite]

(I te ‘akamata‘anga te tangi o te ove ‘akamatakite‘anga manamanatā tupu po‘itirere, ka mou toka ua te puakāoa ki roto i te māreva, e kare e taeria te frisbee. Ka kiriti mai te va‘ine i tāna terepōni, ma te tāki atu ki runga. Ka kā mai te mōri rengarenga, e teta‘i āka ‘akairo po‘itirere.)

—tāpū‘ia ta‘au e rave ra, ma te āru i te au ‘iku‘iku‘anga.

(Ka ‘oki mai te ‘ākara a te puakāoa ki te va‘ine.)

(Ka ngaro atu te va‘ine e te puakaāoa. Ka ata mai teta‘i tara-‘are rengarenga, e teta‘i ‘akairo po‘itirere. Ka neke atu ki te katau, ma te ‘uri atu ki roto i te Emergency Mobile Alert logo. Ka ata mai te ‘Stop doing what you’re doing’ ki raro mai. Ka ata katoa mai te au kupu, ‘Kimi‘ia teta‘i atu ki runga i te civildefence.govt.nz’.

Beep Beep [Te tangi ove ‘akamatakite]