Te tūmataitinga pae tukutuku whānui

E whakahaerehia ana te paetukutuku New Zealand GetReady (te "Pae") e Te Rākau Whakamarumaru, ā, he tari motuhake tēnei kei raro i te Tari o Te Pirimia me Te Rūnanga Matua (te "Tari"). Ka whakamōhiotia e te kaupapahere tūmataiti ngā kaiwhakamahi i te Pae āhea kohi ai mātau i ngā mōhiohio whaiaro, ā, ka ahatia ērā.

Ka taea e koe te tirotiro, te āhei atu ki ngā mōhiohio kei roto i tēnei pae tukutuku me te kore tuku mōhiohio whaiaro.

Mēnā ka tuku mōhiohio koe (me ngā mōhiohio whaiaro) ki a mātau (hei tauira, mā ngā puka tuihono), ka whakamahia anake e mātau aua mōhiohio:

  • hei whakahaere, arotake, whakapai ake, me te whakahaumaru i ā mātau pūnaha ICT, tā mātau paetukutuku, me ngā mōhiohio kei runga i tā mātau paetukutuku (ngā take ICT me te paetukutuku)
  • hei whakapai ake i ā mātau ratonga
  • hei whakatinana, urupare rānei ki ngā mōhiohio i tukuna me te whakawhitiwhiti kōrero ki a koe
  • ina herea ana, e kī ana rānei te ture me whakapuaki
  • e ai ki tērā i roto i ngā ture me ngā here tauwhāiti (hei tauira, ngā ture me ngā here mō ngā whakataetae pērā i te whakapātaritari Kia Takatū).

Ka haumaru tā mātau pupuri i ngā mōhiohio pērā, ā, ka tuarihia pea ki hunga kē e ai ki te āhua e hiahiatia ana mō ngā ratonga ka tukuna mai e rātau ki a mātau mō ngā take ICT, pae tukutuku hoki.

Kei a mātau ngā pūmanawa hei aroturuki ko ēhea whārangi ka toroa hei āwhina i a mātau ki te tautuhi i ngā wāhi tino rorotu o tā mātau paetukutuku. He mea whakapiri ngā mōhiohio, ā, tē taea e mātau te tautuhi ngā manuhiri takitahi.

Ko ngā mōhiohio whaiaro ka kohia e Te Rākau Whakamarumaru mō ngā kaupapa o tētahi Whakataetae ka whakamahia anake mō taua Whakataetae, mō ngā take kē rānei e ai ki Ngā Ture me Ngā Here o te Whakataetae.

Ka āhei koe ki te tono mō tētahi kape o ngā mōhiohio whaiaro e puritia ana e mātau mōu, me te tono kia whakatikahia mēnā ki ō whakaaro kei te hē.

Mēnā he māharahara ōu mō ngā mōhiohio whaiaro e puritia ana e mātau me īmēra atu ki information@dpmc.govt.nz, me tuhi rānei ki:

The Privacy Officer
Department of the Prime Minister and Cabinet
Parliament Buildings
Wellington