Ko Pāheke, Hīpoki me Pupuri te mahi matua kia whakamahia e koe i te pānga mai o te rū whenua. Akohia te āhua o te Pāheke, Hīpoki me Pupuri.

Te āhua o te Pāheke, Hīpoki me Pupuri

PĀHEKE ki raro ki ō ringaringa, kī ō turi. Mā konei e whakahaumaru i a koe i te hinga, engari ka wātea koe kia neke mēnā me pēnā.

HĪPOKI i tō upoko, i tō kakī (i tō tinana katoa mēnā ka taea) ki raro i tētahi tēpu mārō, i tētahi tēpu tuhi rānei (mēnā kei roto tonu i ētahi hīkoi noa mai i a koe). Ki te kore he whakaruruhau e tata ana, hīpokina tō upoko, tō kakī hoki ki ō ringaringa.

PURITIA tō whakaruruhau (i tō tūnga hei whakahaumaru i tō upoko, i tō kakī rānei) tae noa kia oti ai te rū. Mēnā ka whakanekehia tō whakaruruhau e te rū, me neke ngātahi atu.

Primary school students doing Drop, Cover and Hold

Te āhua o te Pāheke, Hīpoki me Pupuri ki ngā āhuatanga rerekē

Mēnā kei waho koe i te whare

Mēnā kei waho koe i te whare, neke atu kia kaua e nui atu i ngā whetoko ruarua atu i ngā whare, i ngā rākau, i ngā rama tiriti, i ngā waea hiko, kātahi ka Pāheke, Hīpoki me Pupuri.

People doing Drop, Cover and Hold in elevator

Mēnā kei tētahi ararewa koe

Mēnā kei tētahi ararewa koe, Pāheke, Hīpoki me Pupuri. Ina mutu te rū, ngana kia puta atu ki te papa tino tata mēnā e haumaru ana kia pēnā.

Car stopped next to a stop symbol

Mēnā e taraiwa ana koe

Mēnā e taraiwa ana koe, neke atu ki tētahi wāhi wātea. Whakatūria te waka. Tatari ki reira, kia mau tonu tō tātua here tūru tae rā anō kia mutu te rū. Ina mutu te rū, āta haere i runga i te mataara, ā, āraitia ngā piriti, ngā rōnaki rānei nā te mea kua whakakinotia pea.

Person in bed with their pillow over their head

Mēnā kei te moenga koe

Mēnā kei te moenga koe, noho tonu ki te moenga, ā, uhia ngā hīti, ngā paraikete ki runga i a koe, whakamahia tō pera hei whakahaumaru i tō upoko, i tō kakī hoki. He iti iho te tūpono ka whara koe mēnā ka noho tonu ki te moenga.

Person doing Sit Cover and Hold with a cane

Mēnā he waimaero nekehanga tōu, mēnā ka whakamahi koe i tētahi tokotoko rānei

Mēnā he waimaero nekehanga tōu, mēnā ka whakamahi koe i tētahi tokotoko rānei, kia tino hakahaka, kia noho rānei ki tētahi tūru, ki tētahi moenga, ki tētahi atu mea rānei. Hīpokina tō upoko, tō kakī hoki ki ō ringaringa e rua. Kia mau tonu i tō tokotoko ki tō taha kia taea te whakamahi i tēnā ina mutu te rū.

Person doing Lock Cover and Hold in a wheelchair

Mēnā kei te whakamahi koe i tētahi anga hīkoi, i tētahi tūru wīra rānei

Ki te whakamahi koe i tētahi anga hīkoi, i tētahi tūru wīra rānei, Raka, Hīpoki me te Pupuri. Rakaina ō wīra, ā, kia tino hakahaka koe. Wharara atu, ā, Hīpokina tō upoko, tō kakī i te āhua tino pai ka taea e koe. Kātahi ka Pupuri tae rā anō kia mutu te rū.

Ngā rauemi

Cartoon person doing Drop, Cover and Hold

Akohia te take ko Pāheke, Hīpoki me Pupuri te mahi tika kia whakamahia i te pānga mai o te rū whenua ki tēnei pukameka reo Pākehā.

Cartoon person doing Drop, Cover and Hold

Ko Pāheke, Hīpoki me Pupuri te mahi matua kia whakamahia e koe i te pānga mai o te rū whenua. Mātakitakihia tēnei kiriata poto ki te reo Pākehā kia whai mōhio mō te Pāheke, Hīpoki me Pupuri.

Ngā momo matepā

He maha ngā matepā māori kei Aotearoa. Akohia me aha ā mua, ā roto, ā muri hoki i ia momo ohotata.