Mahi tūao hei āwhina i ō hoa koutou ko tō whānau ko tō hapori ā mua, ā roto, ā muri hoki i ngā ohotata.

Mahi tūao ki te whakahaerenga ohotata

Kei te nuinga o ngā hapori tētahi Pokapū o Te Rākau Whakamarumaru, tētahi pokapū hapori rānei. Ka taea e te hunga nō tērā rohe te piri tahi ki reira hei te wā o tētahi ohotata, ā muri hoki, hei tautoko tētahi i tētahi.

Hei te ohotata, ka whakatuwheratia ngā pokapū, ka whakahaerehia e ngā hapori kia taea e ngā tāngata te piri tahi hei āwhina i tō rātou hapori hei te wā o te ohotata, ā muri hoki.

Ka mahi ngā Rōpū Urupare o Aotearoa (New Zealand Response Teams) ki te taha o Te Rākau Whakamarumaru, o ngā ratonga ohotata, o ērā atu pokapū urupare, ā, kei te tautoko hoki i a rātou. Kei ngā wāhi puta noa i Aotearoa ngā rōpū.

I tēnei wā kei te mahi Te Rākau Whakamarumaru ki te hanga i te āheinga, i te raukaha o ngā kaimahi tūao he aumangea, he toitū hoki mō te whakahaerenga ohotata ki Aotearoa.

Whakapā atu ki tō Rōpū Whakahaere ā-rohe o Te Rākau Whakamarumaru kia whai mōhio ka pēhea tāu mahi tūao.

Civil Defence logo

Rapua tō Rōpū Whakahaere o Te Rākau Whakamarumaru (CDEM).

Te hanga i te āheinga, i te raukaha o ngā kaimahi tūao he aumangea, he toitū hoki

I tēnei wā kei te mahi Te Rākau Whakamarumaru ki te whakapakari i te āheinga, i te raukaha o ngā kaimahi tūao he aumangea, he toitū hoki mō te whakahaerenga ohotata ki Aotearoa. E ū ana a Te Rākau Whakamarumaru, tahi ki a Whakaratonga Iwi, ki Ngā Pirihimana o Aotearoa, ki a Rapa Taiwhenua, ki a Manatū Hauora, ki te whai i tētahi tauira e tika ana mō te take, ā, e pīngore ana kia whakatutuki i ngā wero o te wā e heke mai ana whakawhiti atu i te urupare, i te whakarauora hoki.

Volunteering New Zealand

Ko Volunteering New Zealand (VNZ) tētahi rōpū o ngā pokapū mahi tūao, o ngā whakahaere ā-motu, aha atu anō hoki, whai takohanga ki te mahi tūao.

Ka taea e VNZ te tūhono i a koe ki ētahi ara mahi tūao.

Volunteering New Zealand logo

Mahi tūao ki tō hapori. Ko Volunteering New Zealand tētahi rōpū o ngā pokapū mahi tūao, o ngā whakahaere ā-motu whai takohanga ki te mahi tūao.

Uru atu ki tētahi Neighbourhood Support Group

Uru atu ki tētahi Neighbourhood Support Group, ka whakatū rānei i tētahi, kia taea ai e koutou ko ō kiritata te tiritiri pūkenga, rauemi hoki hei āwhina i a koutou kia puta atu hei te ohotata.

Kei te whakapiria e ngā Neighbourhood Support Group ngā tāngata o te rohe kia hanga i ngā hapori haumaru, tautoko, tūhono hoki, e tata ana te mahi tahi ki Ngā Pirihimana, ki ētahi atu whakahaere ā-hapori.

Neighbourhood Support New Zealand logo

Uru atu ki tētahi Neighbourhood Support ki te pae tukutuku a Neighbourhood Support, waea rānei ki 0800 463 444.

Āwhinatia

Āwhina kia noho haumaru tō whānau rātou ko ō hoa ko tō hapori mā te uru atu ki te takatū ohotata.