Hei te ohotata, kāore pea te ikiiki tūmatanui e whakahaeretia, ā, kua aukatia pea ngā huarahi, ngā pae kiritata.

Ki te kore koe e āhei ana te haere i tō ara noa ki te kāinga, ka pēhea koe e hoki atu ki reira? Ka haere koe ki te taha o wai? Hei hea koutou e tūtaki ai ki te rāhuitia tō tiriti?

Ngā tino tīwhiri

Te wāhi hui tuarua

Whakaaetia tētahi wāhi hui ki te kore e taea te hoki ki te kāinga. He kura pea, he kāinga o tētahi hoa, ki te taha o te whānau rānei.

Kia ngātahi te haere

Ki te mahi koe atu i te kāinga, rapua ngā hoa mahi e noho ana ki tō rohe. Hei te ohotata ka taea e koutou te haere ngātahi.

Whakaritea tētahi pēke nanao

Me whai pēke nanao i te mahi, i tō waka rānei. Me whai ēnei te pēke, ngā hū hīkoi, ngā kākahu mahana, ētahi paramanawa, tētahi pounamu wai. Ka whai take hoki tētahi rama, ētahi pāteri, tētahi reo irirangi hoki.

Te tiki ki te kura

Tukuna ki tō kura, ki tō pokapū kōhungahunga tētahi rārangi o ngā tāngata e toru e whakaaetia ana ki te tiki i ngā tamariki ki te kore koe e āhei ana te tae atu ki reira.

Matapakitia ngā pānga

He mea āwhina kia puta atu koutou te mārama ki ngā pānga o te ohotata. Matapakitia ki ngā tāngata ki tō kāinga, ā, whakaritea ka aha koutou ki ēnei āhuatanga.