Kāore e taea te wehe i te kāinga
Hei te nuinga o ngā ohotata, ko te tino painga ko te noho tonu ki tō kāinga mēnā e haumaru ana kia pēnei. Heoi anō, ko te hua o tērā pea kāore te hiko, te wai, tētahi ara rānei kia tīkina ngā rawa mō te toru rā, neke atu rānei.
E rawaka ana tō kai, tō wai? Kua whakaarohia ngā whanaunga e hiahia rongoā ana? E rawaka ana tō kai, tō wai mō ngā mōkai hoki kia puta atu?
Ngā tino tīwhiri
Me whai rama
Ehara i te mea me noho tō rawa ohotata ki tētahi kete, engari me rapu pea koe i ērā i te pōuri. Whakaritea kua mōhio te katoa kei hea ngā rama, ngā pāteri hoki.
Whiriwhiria ngā rawa ka hiahiatia
Pouaka makariri i te tuatahi
Ki te weto te hiko, kaingia tuatahitia ngā kai mai i tō pouaka makariri, kātahi i tō pouaka tio. Kātahi ka kaingia ngā kai kei te kāpata, kei tō kete ohotata rānei.
Whakawhanaunga i ō kiritata
Me whakawhanaunga koe i ō kiritata. Hei te ohotata ka hiahia pea rātou ki tō āwhina, ka hiahia rānei koe ki tō rātou āwhina, ā, ka taea pea koutou te piri ngātahi kia puta atu.
Me rapu mōhiohio
Me noho hou ki ngā mōhiohio ohotata mā te whakarongo ki tētahi reo irirangi ka whakahikongia e te pāteri, e te hiko kōmaru rānei. Hihiratia ngā pae tukutuku, te pāpāho pāpori hoki a tō kaunihera ā-rohe, a ngā Rōpū Whakahaere o Te Rākau Whakamarumaru hoki/rānei. Whāia ngā tohutohu a te rākau whakahaumaru, a ngā ratonga ohotata.
Rapua tō Rōpū Whakahaere o Te Rākau Whakamarumaru (CDEM).
Matapakitia ngā pānga
He mea āwhina kia puta atu koutou te mārama ki ngā pānga o te ohotata. Matapakitia ki ngā tāngata ki tō kāinga, ā, whakaritea ka aha koutou ki ēnei āhuatanga.
