E kore e taea te matapae i ngā aituā, engari ka taea te whakarite mō ērā. Ko tētahi o ngā wāhi tīmatanga tino pai ko tō kāinga. Whai mōhio he aha ka taea e koe kia haumaru ake tō kāinga.
He mahi ka taea e koe hei āwhina ki te whakaheke i ngā panga o tētahi ohotata ki a koe, ki ō rawa hoki.
I te marama o Pēpuere i te tau 2021, i whakatinanatia ētahi panoni ki te Residential Tenancy Act o Aotearoa. Nā ēnei panoni i māmā ake mō te hunga rīhi ki te whakahaumaru i ō rātou kāinga mō te rū. Mēnā he kairīhi koe, ā, kei te hiahia koe ki te whakahaumaru i tō kāinga mō te rū, whakaritea kia kōrero koe ki tō kaituku rīhi, ki tō kaiwhakahaere whare i te tuatahi.
Toroa te pae tukutuku a te Toka Tū Ake ki te reo Pākehā mō ētahi atu mōhiohio mō te whakahaumaru ake i tō kāinga.
He mea tino nui kia whai kapi inihua koe mō tō kāinga, mō ō rawa o roto, kia hoki anō koe ki te ora mēnā ka pakaru ērā i te aituā. Waihoki, mā te whai kaupapa here inihua kāinga tūmataiti kei roto te kapi ahi (e pēnei ana te nuinga) e aunoa tō māraurau mō te hua inihua a EQC, arā mō EQCover.
He mea nui kia auau tō arotake i tō inihua. Ko ētahi mea matua me hihira ko ēnei:
Ki te pā atu te whakakino i tētahi matepā māori ki a koe, kia maumahara kia kapo i ngā tini whakaahua. Kātahi ka whakapā atu ki tō kaituku inihua tūmataiti hei tuku kerēme. Mā rātou e arotake, e whakahaere, e whakatau tō kerēme katoa mō EQC, tae rā anō ki te wāhanga EQCover.
Kei a koe anō te whakarite kia mōhio tō whānau rātou ko ngā tāngata e kaingākautia ana e koe me aha rātou.