Ina whakarite ana koe i tō mahere ā-kāinga, kia maumahara kia whai wāhi te katoa. Whakaarohia ngā matea o ngā tāngata hauā, o ngā kaumātua, o ngā pēpi, o ngā tamariki nohinohi, o ngā mōkai, o ērā atu kararehe anō hoki.

He rerekē te mahere a ia kāinga, e ai ki te wāhi e noho ana tātou, ko wai e noho ana ki tō tatou taha, ā, ko wai ka hiahia pea ki tō tātou āwhina.

Whakaritea tō kāinga

Kei a koe te kawenga kia whakaritea e mōhio ana tō whānau me aha rātou, ā, kei a koutou ngā mea kia puta atu koutou. Whāia ēnei mahi māmā kia whakarite i tō kāinga.