He mea nui kia mōhio ki ngā tini ara ka taea te rapu mōhiohio hei te wā o te ohotata.

Reo irirangi

Ki te weto te hiko, ka taea e tētahi reo irirangi e whakahikongia ana e te hiko kōmaru, e te pāteri rānei (te reo irirangi ki tō waka rānei) te āwhina i a koe kia whai mōhio tonu ki ngā rongo kōrero tino hou. Hei te wā o te ohotata, whakarongo ki ēnei teihana:

Uia tō Rōpū Whakahaere o Te Rākau Whakamarumaru kia whai mōhio ki ngā teihana ā-rohe e tautuhia ana e rātou hei whakarongotanga māu hei te wā o te ohotata.

Matohi Waea Pūkoro Ohotata

Ko te Matohi Waea Pūkoro Ohotata tētahi ara kia whiwhi mōhiohio mō ngā ohotata ki tō rohe. Mēnā e mōrearea ana tō oranga, tō hauora, tō kāinga rānei, ka tukuna pea ngā Matohi Waea Pūkoro Ohotata ki tō waea pūkoro. Ehara i te mea me uru atu koe, me tikiake rānei i tētahi taupānga.

A cartoon woman receiving Emergency Mobile Alert next to a dog floating

ā-Ipurangi

Mō ngā whakahou ā-rohe, tirohia te pae tukutuku, te pāpāho pāpori hoki a tō kaunihera. Te pae tukutuku, te pāpāho pāpori a tō Rōpū Whakahaere o Te Rākau Whakamarumaru anō hoki.

Ka wātea mai ngā whakahou ā-motu ki te pae tukutuku a Te Rākau Whakamarumaru, ki te hongere Twitter @NZCivilDefence hoki.

Twitter logo

Rapua ngā whakahou ohotata, aituā hoki mai i Te Rākau Whakamarumaru. Mō ngā kupu āwhina mō te whakarite mō ngā aituā whāia te hongere Twitter a @NZGetReady.

Facebook logo

Rapua ngā mōhiohio ohotata ōkawa, ngā kupu āwhina hoki mō te āhua o te takatū pai ake mō ngā aituā ki Aotearoa. Rapua me pēhea te takatū mō te ohotata, te eke i te wā o te pānga mai, te whakaora tere hoki, ā, matapakitia hoki.

Civil Defence logo

Rapua tō Rōpū Whakahaere o Te Rākau Whakamarumaru (CDEM).

Civil Defence logo

Rapua ētahi atu mōhiohio mō Te Rākau Whakamarumaru.

Whakawhanaunga ki ō kiritata

Me whakawhanaunga koe ki ō kiritata. Hei te ohotata, ka taea e koutou te āwhina tētahi i tētahi i te wā e pukumahi ana a Te Rākau Whakamarumaru, ngā ratonga ohotata hoki ki te āwhina i ngā tāngata e tino hiahia ana ki a rātou.

Whakauru atu ki tō hapori, me te whakawhanaunga ki ō kiritata ā mua i te pānga o tētahi ohotata.

Whakaritea tō kāinga

Kei a koe te kawenga kia whakaritea e mōhio ana tō whānau me aha rātou, ā, kei a koutou ngā mea kia puta atu koutou. Whāia ēnei mahi māmā kia whakarite i tō kāinga.