Matohi Waea Pūkoro Ohotata
Rapua ētahi atu mōhiohio e pā ana ki te Matohi Waea Pūkoro Ohotata. Mā ngā Matohi Waea Pūkoro Ohotata e haumaru ai te hunga. Ka pāhotia ngā matohi ki ngā waea e āhei ana mai i ētahi pourewa waea pūkoro.
(Kei te whakamahi ngote puehu i te whare tētahi tangata mau kākahu moe me ngā hiripa kei mua i tētahi matapihi.)
Pīpi Pīpi [Ka pāhotia te pūoho ohotata mai i te waea]
(Ka whāwhā te tangata i tāna waea mai i tana pūkoro, ka mau ki runga. Ka tūramatia kōwhaitia te waea me tētahi tohuhā nui.)
Hei āwhina kia haumaru koe mēnā ka pā tētahi ohotata—
(Ka haere tonu te ngote puehu i tōna kotahi, ā, ka tīmata ki te ngongo i ngā ārai.)
—e āhei ana ngā waea pūkoro hototahi katoa te whiwhi i ngā Matohi Waea Pūkoro Ohotata ināianei.
(Ka whakakapia te tangata whai ngote puehu e tētahi tokorua e mārenatia ana e tētahi kaimārena.)
Pīpi Pīpi [Ka pāhotia te pūoho ohotata mai i te waea]
(I te wā e whakapiu whakararo ana te tāne i te wahine hei kihi i a ia, ka kōwhitingia e te tokorua, e te kaimārena ā rātou waea i ō rātou pūkoro. Ka kuha tētahi, ā, ka tūramatia kōwhaitia ngā waea katoa ki tētahi tohuoho nui. Ka tīmata te tāne ki te hinga ki runga tāna wahine hou.)
(Ka ngaro te tokorua e mārenatia ana. Ka rere mai tētahi ripi mai i te taha mauī o te mata. Arā he rākau e pātata ana, ētahi kapua ki te rangi. Ka whāia te ripi e tētahi kurī, ā, ka whāia te kurī e tētahi wahine mau kākahu oma. Ka whakahokia e te kurī te ripi ki te wahine, ā, ka hokomirimiria e ia te kurī ki te upoko.)
Nā ka rongo koe i tēnei oro—
(Ka tango te wahine i te ripi i te kurī, ka whiua kia hopukina e te kurī.)
Pīpi Pīpi [Ka pāhotia te pūoho ohotata mai i te waea]
(Ka tīmata te pāhotanga o te pūoho ohotata, ka toka te kurī ki te rangi, ā, tē taea te pā atu ki te ripi. Ka tīkina e te wahine tāna waea, ka pupuri ki runga. Ka tūramatia kōwhaitia te waea me tētahi tohuoho nui.)
—kāti i tō mahi, ā, whāia ngā tohutohu.
(Ka titiro whakamuri te kurī ki te wahine.)
(Ka ngaro te wahine me te kurī. Ka kitea tētahi tapatoru kōwhai whai tohuoho. Ka neke whakamatau, ka hurihia hei tohu Matohi Waea Pūkoro Ohotata. Ka kitea ki raro ngā kupu ‘Kāti tō mahi’. Ka kitea hoki ngā kupu ‘Rapua ētahi atu mōhiohio i civildefence.govt.nz’.
Pīpi Pīpi [Oro pūoho ohotata]
He aha te Matohi Waea Pūkoro Ohotata?
Ko ngā Matohi Waea Pūkoro Ohotata ko ngā karere mō ngā ohotata. Ka tukuna e ngā pokapū ohotata whaimana ki ngā waea pūkoro e āhei ana. Ka whakahaumarutia ngā tāngata e ngā matohi, ā, ka pāhotia ki ngā waea katoa e āhei ana mai i ētahi pourewa waea pūkoro.
Ka arohia ngā matohi ki ngā wāhi e pāngia ana e ngā matepā taumaha. Ka tukuna anake mēnā he mōrearea taumaha ki te oranga, ki te hauora, ki te rawa rānei, ā, i ētahi wā, hei whakamātau.
Whakahoki Kōrero mō te Matohi Waea Pūkoro Ohotata
Tukuna mai he whakahoki kōrero mō te Matohi Waea Pūkoro Ohotata. Mā ngā mōhiohio ka kohia ki tēnei uiuinga mātou e āwhina kia whakapai tonu i te pūnaha.
Tukuna mai he whakahoki kōrero mō te Matohi Waea Pūkoro Ohotata
Ka pēhea te whiwhi i te Matohi Waea Pūkoro Ohotata
Kia whiwhi i ngā Matohi Waea Pūkoro Ohotata, me whai waea koe e āhei ana te whiwhi i ērā. Me whai whiwhinga irirangi waea pūkoro, me te pūmanawa kua whakahoungia hoki te waea. Ehara i te mea me tikiake koe i tētahi taupānga, me whakauru rānei ki tētahi ratonga.
- Hihiratia mēnā rānei kei te rārangi o ngā waea e āhei ana tō waea.
- Whakahoutia tō tō waea pūmanawa pūnaha whakahaere.
Tirohia te puka tohutohu a tō waea, kōrero rānei ki tō kaituku waea pūkoro ki te hiahia āwhina koe hei whakahou i tō waea.
Ka taea e au te kōwhiri kia puta atu i te Matohi Waea Pūkoro Ohotata?
Nā te mea e hāngai ana te Matohi Waea Pūkoro Ohotata ki te tiaki i a koe kia haumaru ai, e kore e taea te puta atu i te whiwhi i te Matohi Waea Pūkoro Ohotata.
Kāore mātou i te aro atu ki ngā waea takitahi, engari kē ka pāhotia ki tētahi rohe aronga e mōrearea ana. Koinei te take, tē taea te aukati i tō waea ake.
Ka whakaaturia pea e tō waea ētahi tautuhinga kōwhiringa e whakamahia ana ki whenua kē, engari ki Aotearoa ka whakamahia e mātou tētahi hongere pāpāho motuhake e kā ana i ngā wā katoa.
Ngā Rauemi
Tukuna mai he whakahoki kōrero mō te Matohi Waea Pūkoro Ohotata. Ka whakamahia ngā mōhiohio ka kohia ki tēnei uiuinga hei whakapai tonu i te pae whakaaraara.
Kua whakarauikatia e mātou ngā whakautu whaitake ki ngā pātai auau mō te Matohi Waea Pūkoro Ohotata.
Pānuitia ki te reo Pākehā te Director’s Statement for Emergency Mobile Alert Device Standards. Ka tautuhia ngā paerewa waea pūkoro e hiahiatia ana mō te whakaaraara ohotata ki Aotearoa.
Tīkina ake tēnei pukameka e whakamārama ana i te pūnaha Matohi Waea Pūkoro Ohotata.
Tīkina ake tēnei pukameka e whakamārama ana i te pūnaha Matohi Waea Pūkoro Ohotata.
Kia takatū
He mahi māmā ka taea e koe hei whakarite kua takatū koutou ko tō whānau kia puta atu.
