Fakatutala hagaao ia ke he tau lauiaaga
Ka maama ke he tau mena ka lauia ha ko e tau mena tutupu fakalutukia to lagomatai he mena nei a koe ke hoko mo e mafola. Talatala ke he tau tagata he haau a lotokaina mo e iloa ko e heigoa e tau mena ke taute he tau faga mena tutupu pehe nei.
He lau pepa nei
Apitia ke he loto kaina
Ka nofo ke he lotokaina mo e liga ke ai fai hila mo e vai poke taha hala ke moua aki e tau koloa fakaaoga ke he tolu e aho poke molea.
Loga nakai haau a tau mena kai mo e tau valavai? Aikua a lautolu ne kua lata ke moua e tau vai fakamalolo tino? Loga nakai haau a tau mena kai mo e tau valavai ke lata mae tau manu fao ke hohoko mo e mafola foki?
Nakai maeke ke hoko ki kaina
Ke he taha mena tupu fakalutukia, to liga nakai holo e tau peleoafi papiliki, mo e to liga pa foki e tau puhalatu mo e falu he tau matakavi nonofo.
Kaeke ke nakai maeke ia koe ke fano he hala ne fa mahani a koe ke finaatu ki kaina, to hoko fefe foki a koe ki ai? To fano a koe mo hai? Feleveia a mutolu ke he na fe kaeke kua nakai maeke e hala ne nofo ai a koe ke finaatu ki ai?
Tauteute ke mau kaeke kua nakai maeke ia koe ke hoko ki kaina
Kua lata ke hola kehe
Falu a tau fale, tau puhalatu mo e tau matakavi nonofo ne liga ke nakai haohao mitaki ke nonofo i ai mo e kua liga lata ia koe ke hola fakamafiti.
Kaeke kua fehola e tau tagata he haau a puhalatu ne toka e kaina to fano a koe ki fe? Ko e heigoa haau ka uta? Ai kua e tau manu fao? Kua manako lagomatai nakai e haau a tau kaukau kaina?
Ai fai hila
Ko e heigoa haau ka taute kaeke ke totou e tau aho he nakai fai hila? To kitia fefe, tunu kai fefe, mo e fakamafana fefe e tau tino?
Ka mate e hila to maeke e tau puhala tupe EFTPOS mo e tau masini ATM ke ai gahua. Toka e taha tupe pepa he lotokaina, poke tau koloa lagomatai ke fakaaoga ke tolu ki luga e aho.
Nakai fai valavai
Manamanatu la ki ai kaeke kua nakai fai vai ke tolu poke mole e aho. Koukou, tunu kai, fakamea fefe a koe? Ko e heigoa haau ka inu?
To maeke foki e vai ke lauia kaeke kua fai mena tupu fakalutukia. Tuku fakalahi e vai ke he taha tokaaga malu ke lata mae tolu poke molea e aho.
Nakai fai telefoni poke kupega hila
Ko e heigoa haau ka taute kaeke ke mamate e tau laini telefoni mo e kupega hila? Matutaki fefe a koe, ke pulega ke feleveia poke iloa e tau fakailoaaga mo e tau fuafua matagi?
Ke he laulahi he tau mena tutupu fakalutukia, kua mitaki ni ke nofo i kaina. Taute e haau a kaina mo fale ke feleveia ki ai mo e fai feleveiaaga foki kaeke kua nakai hokotia ki kaina.
Tauteute ke mau kaeke ke nakai fai telefoni mo e kupega hila
Tauteute ke mau haau a lotokaina
Ko koe ni ke iloa tonu ko e iloa he haau a magafaoa e tau mena ke taute mo e katoatoa e koloa kua lata ke fai ke o atu mo e mafola. Muitua ke he tau fakatokaaga mukamuka nei ke moua e tuaga mitaki mae haau a lotokaina.
