Nakai fai telefoni poke kupega hila

Ko e heigoa haau ka taute kaeke ke mamate e tau laini telefoni mo e kupega hila? Matutaki fefe a koe, ke pulega ke feleveia poke iloa e tau fakailoaaga mo e tau fuafua matagi?

Ke he laulahi he tau mena tutupu fakalutukia, kua mitaki ni ke nofo i kaina. Taute e haau a kaina mo fale ke feleveia ki ai mo e fai feleveiaaga foki kaeke kua nakai hokotia ki kaina.

Ko e tau lagomatai mahuiga

Palana e taha mena ke feleveia ki ai

Tutala ke haau a magafaoa ko e matutaki fefe mo e feleveia ki fe kaeke ke tupu e taha mena fakalutukia.

Kaeke ke fai tama a koe

Fakamooli kua iloa e koe e tau palana he haau a fale aoga poke aoga fakamahani kaeke kua fai mena tupu fakalutukia. Age e tau higoa he tolu e tau tagata ka maeke ke lagaki mai e tau tama kaeke kua nakai maeke ia koe ke hoko ki ai.

Tumau ke fakateliga atu

Fai letio ne fakaaoga he tau makakasa poke sola ke logona e tau fakailoaaga foou mo e tau talahauaga lalahi. Iloa ko e tau numela letio fe ke fanogonogo ke moua e tau fakailoaaga he magaaho ka tupu e taha mena fakalutukia.

Kumikumi ko e puhala fe ke iloa e tau mena tutupu

Tau matutakiaga ki fafo he taone

Taute ke fai matutakiaga ki fafo he taone ne iloa oti he tau tagata. Falu magaaho kaeke kua ai gahua e tau laini telefoni maeke agaia ni a koe ke hea ke he tau tagata ki fafo he haau a matakavi. Fakaako kia lautolu kaeke ke fai mena tupu fakalutukia, ke matutaki ke he haau a tau tagata ne matutaki ki ai i fafo he taone puhala ki ai he tau tohi telefoni poke tau tohi hila.

Toka e taha fakamauaga

Toka e taha fakamauaga he tau numela telefoni mahuiga.

Tohi telefoni utafano poke tohi kupega hila

Ka tupu e taha mena fakalutukia, maeke he tau laini telefoni ke mafiti ke puke. Toka e tau laini ke ata mo e maeke e tau tauhea fakalutukia ke hoko mo e, ka maeke ia koe, fakaaoga e tau tohi telefoni utafano poke tau tohi kupega hila ke mau e tau matutakiaga.