Taute e taha palana
Maeke e tau mena fakalutukia ke tutupu ha magaaho ni ha magaaho, ko fe ni ka haha ki ai, laulahi foki ke nakai fai fakailoaaga tuai. Mahuiga lahi ke taute e tau palana ke lata mae tau mena tutupu fakalutukia ke iloa e koe ko e heigoa ke taute kaeke ke fai mena tupu fakalutukia.
He lau pepa nei
Taute e taha palana ke lata mae lotokaina kaeke ke tupu e taha lekua fakalutukia
Ko e palana ke lata mae lotokaina ne fakailoa kia lautolu oti e tau mena ke taute kaeke kua tupu e lekua tupu fakalutukia mo e iloa foki e lautolu ke taute ke mau. Kaeke kua fai palana to maeke ke nakai mamafa mo e tupetupe lahi kaeke ke fai lekua tupu fakalutukia.
Taute e taha palana mo e haau a magafaoa ke maeke ke hoko mitaki ke he tuaga mitaki ka moe e lekua tupu fakalutukia. Manamanatu ko e heigoa e tau mena haau ne kua lata ke fai ki ai he tau aho oti mo e manamanatu ko e heigoa la haau ka taute kaeke ke nakai fai he tau mena nei.
Fakalaini fakamitaki e tau palana haau mo e tau palana ke lata mae tau matakavi ne fa ahiahi mo e lahi e tau magaaho haau ne fa api a koe i ai.
Taute e taha palana mo e haau a magafaoa ke maeke ke hoko mitaki ke he tuaga mitaki ka mole e lekua tupu fakalutukia. Manamanatu ke he tau mena ne kua lata ke fai ke he tau aho oti mo e aikua kaeke ke ai fai mena pihia a koe?
Taute e taha palana he gahuaaga ke lata mae tau lekua tutupu fakalutukia
Kaeke kua tupu e taha lekua fakalutukia, maeke ia koe ke apitia he fale gahua, ai fai puhala ke fano ke he lotokaina. Taute e taha palana ke lata ni mo e koe he gahuaaga ke iloa e koe ko hai ka matutaki ki ai he fale gahua mo e fai palana ke hoko mo e haohao mitaki ke he loto kaina.
Fekau e tau tagata gahua ke fakapuke e taha palana ni ma lautolu kaeke kua tupu e taha lekua fakalutukia he fale gahua.
docx | 181 KB
Mitaki lahi mae haau a pisinisi kaeke ke mau e tau fakatokatokaaga ke lata mae tau mena tutupu fakalutukia. To lagomatai he mena nei a koe mo e haau a kau gahua ke tumau e haohao mitaki mo e tuku hifo foki e tau magaaho kua nakai gahua.
Tatue e taha palana he fale aoga ke lata mae tau lekua tutupu fakalutukia
Kumikumi mo e iloa ko e heigoa e palana he haau a aoga fakamahani ke lata mae tau lekua tutupu fakalutukia.
- Kumikumi mo e iloa e tokaaga he toloaga haohao mitaki ha lautolu ke iloa e koe ko e matakavi fe ka lagaki e koe haau a tau fanau he magaaho kua moua e fakailoaaga “kua mafola”.
- Palana ke lagaki e haau a tau fanau he fano hui poke pasikala taholi, ka maeke. Maeke e tau hala ke finaatu mo e fano kehe mai he fale aoga ke apiapi. Maeke he tau laini telefoni he magaaho ka tupu e taha lekua fakalutukia ke puke lahi.
- Fakamau e tau numela haau ke matutaki ki ai he haau a tau aoga fakamahani poke aoga lahi. Age ki ai e taha fakamauaga he tau higoa he tokotolu e tagata ne maeke ke lagaki e tau fanau kaeke ke nakai maeke ia koe ke hoko ki ai.
Taute e taha palana ke lata mae tau lekua tutupu fakalutukia he marae
Taute e taha palana ke lata mae tau lekua tutupu fakalutukia he marae ke lagomatai haau a marae ke mauokafua e tau mena ka taute kaeke kua tupu e taha lekua tutupu pauaki poke tau lekua tutupu fakalutukia.
Taute e taha palana ke lata mae tau lekua tutupu fakalutukia he marae ke lagomatai haau a marae ke mauokafua e tau mena ka taute kaeke kua tupu e taha lekua tutupu pauaki poke tau lekua tutupu fakalutukia.
Taute e taha palana mae maaga ke lata mae tau lekua tutupu fakalutukia
Ne maeke he palana he maaga ke lata mae tau lekua tutupu fakalutukia ke fakamaama kia lautolu e tau puhala ke felagomataiaki ka tupu e taha lekua. Ka fakatutala a koe mo e haau a tau tagata he maaga ko e taha na puhala ia ke taute ke mau ke lata mae tau lekua tutupu fakalutukia.
Lagomatai haau a tau kapitiga, magafaoa mo e maaga ke tauteute ke mau ke lata mae tau lekua tutupu fakalutukia.
Tauteute ke mau haau a lotokaina
Ko koe ni ke iloa tonu ko e iloa he haau a magafaoa e tau mena ke taute mo e katoatoa e koloa kua lata ke fai ke o atu mo e mafola. Muitua ke he tau fakatokaaga mukamuka nei ke moua e tuaga mitaki mae haau a lotokaina.
