Nakai maeke ia tautolu ke iloa e tau mena tutupu fakalutukia, ka e maeke ia tautolu ke nofo tauteute. Ko e taha mena ne mitaki ke kamata aki ko e haau a lotokaina. Kumikumi ke iloa ko e heigoa haau ke taute ke haohao mitaki atu e haau a lotokaina.
Maeke ia koe ke fai mena taute ke tuku hifo e tau lauiaaga ha ko e lekua fakalutukia kia koe mo e haau a kaina.
Ia Fepuali 2021, ne fai hikiaga ke he Residential Tenancy Act ha Niu Silani. Ne fakamukamuka he tau hikiaga nei mae tau tagata ne nonofo poko totogi ke taute fakahaohao mitaki e ha lautolu a tau kaina. Kaeke ko koe ko e taha ne totogi e nofoaga mo e manako ke taute e kaina haau ke haohao mitaki mai he tau mafuike, manatu ke tutala fakamua a koe ke he haau a pule kaina poke kautaha pisinisi ne leveki ke he fale.
Finaatu ke he poko kupega hila he Earthquake Commission ke moua falu vala tala ke taute e haau a kaina ke haohao mitaki atu.
Mahuiga lahi kaeke ke fai inisua a koe ke lata mae haau a kaina mo e tau koloa ne haha i ai ha ko e mena to lagomatai he mena nei a koe ka tupu e taha lekua matematekelea ke maeke ia koe ke liu tu hake ke he haau a tau hui kaeke ke malona e haau a tau koloa. Lalafi ki ai, ka fai pepa inisua ke lata mae kaina ni haau ne maluia e velagia ke he tau koloa (laulahi ke pihia) ko e kakano ia to hu atu noa ni a koe ke he levekiaga inisua he EQC, ko e EQCover.
Liu tumau ke kitekite ke he haau a tau pepa inisua. Falu mena uho ke fakakia ko e:
Kaeke ke matematekelea a koe he malona e tau koloa ha ko e lekua tupu pauaki, manatu ke poki fakaloga e tau ata. Ti matutaki ke he haau a kautaha inisua ke tuku e haau a tohi ole. To fuafua e lautolu, leveki mo e fakakatoatoa e haau a tau ole katoatoa ha ko e EQC, lalafi ki ai e vala he EQCover.
Ko koe ni ke iloa tonu ko e iloa he haau a magafaoa e tau mena ke taute mo e katoatoa e koloa kua lata ke fai ke o atu mo e mafola. Muitua ke he tau fakatokaaga mukamuka nei ke moua e tuaga mitaki mae haau a lotokaina.