Tau koloa aoga

Taute e taha palana ke lata mae tau lekua tutupu fakalutukia he marae ke lagomatai haau a marae ke mauokafua e tau mena ka taute kaeke kua tupu e taha lekua tutupu pauaki poke tau lekua tutupu fakalutukia.

He magaaho ka tupu e taha lekua fakalutukia kua fakalavelave mai ke he tau momoui mo e liga kua lata e tau tagata ke o kehe mai he ha lautolu a tau kaina. To uka lahi e tau mena nei ke he tau matua fifine mo e tau tagata ne fae leveki ke he tau tama mukemuke. Kua hataki mai e Ministry of Health hagaao ke he tau puhala ke fagai haau a tama he magaaho ka tupu e taha lekua fakalutukia ke lata mae tama mukemuke ne fagai ni ke he huhu he matua poke tama mukemuke ne fagai aki e huhu pauta.

Ne haha i ai e tau puhala he tau fanau ke lagomatai ni kia lautolu ha ko e tau lekua fakatupetupe mo e onoono fakamahino ke ha lautolu a vala he moui kua hoko ki ai. Haha i ai e tau poakiaga he Ministry of Health ke lagomatai aki e tau fanau ne tupetupe mo e matakutaku.

Talamai e tau manatu hagaao ia ke he tau Fakailoaaga Fakalutukia he Telefoni Utafano (Emergency Mobile Alerts). Ko e tau vala tala ne okooko mai he tau manatu fakakite to lagomatai kia mautolu ke fakaholo ki mua e tau gahua ke lata mae tau fakailoaaga mafiti.

Taute e taha palana mo e haau a magafaoa ke maeke ke hoko mitaki ke he tuaga mitaki ka mole e lekua tupu fakalutukia. Manamanatu ke he tau mena ne kua lata ke fai ke he tau aho oti mo e aikua kaeke ke ai fai mena pihia a koe?

Matutaki atu ke he taha Neighbourhood Support Group ne haha i ai ke he poko kupega hila Neighbourhood Support poke tauhea atu ke he numela 0800 463 444.

Kumikumi ke he poko kupega hila he Samsung NZ ke moua e tau vala tala ke fakafoou e haau a telefoni Samsung.

Taute e taha aho mae tau katofia kaina (Neighbour’s Day). Fakahoko tumau e Neighbour’s Day ia Mati he tau tau oti. Ne omoi he feua nei e tau katofia kaina ke feiloaaki a lautolu. Nakai kelea kaeke ko koe ni tokotaha, ko e matakau poke taha fakatokatokaaga gahua. Poke kaeke ko e haau a tau katofia kaina ko e tau fale, tau felete, tau kautaha pisinisi poke taha mena kehe atu. Maeke ia koe ke taute e taha toloaga ne hikihiki pauaki ni ke lata mae haau a tau katofia kaina.

Muitua ke he tau poakiaga gahua he Shut Happens ne tohia faka-Peritania ke talaga aki e tau palana hukui ke lata mae haau a pisinisi.

Kua fai hatakiaga e Ministry for Primary Industries (MPI) ke lata ke fai palana mae haau a tau manu. Lalafi ki ai e taha poakiaga ke lata mae tau faga manu kehekehe mo e tau faga lekua tutupu fakalutukia kehekehe. Gahuahua ke he tau matagahua ne kua fakatokatoka ke fakatupu e haau a palana.

Moua mai he kupega hila e laupepa ha East Coast LAB ne toka ai e tau vala tala hagaao ke he hīkoi peau kula Taute e taha feua fano hui mae peau kula ke lata mae maaga.

Moua mai he kupega hila e laupepa ne toka ai e fakatino fakatata kaupa. Fakakite kua kaufakalataha a koe mo e lagomatai ke tufatufa e kupu.

Fakaaoga e hatakiaga nei ke iloa ko e heigoa ke lalafi ke he haau a tau palana ke lata mae tau lekua tutupu fakalutukia mai he business.govt.nz.

Kua fai hatakiaga e Ministry of Education ke lata mae tau aoga pihiia mo e tau aoga fakamahani ke tauteute ke mau mo e iloa ko e heigoa ke taute ka tupu e tau lekua fakalutukia

Ko e haau a Civil Defence Emergency Management Group ne fai mepe mo e tau hatakiaga hagaao ia ke he tau matakavi ke fehola ki ai kaeke ke hoko mai e peau kula. Iloa mooli kua iloa e koe ko e fano ki fe, poke ko koe he loto kaina, haha i ai ke he fale gahua poke haia ni ne fano tamea noa.

Kumi e tau hatakiaga faka-Peritania ke leveki atu ke he tau tagata gahua ka mole e taha lekua tupu fakalutukia.