Fakatumau ke iloa e tau mena tutupu
Mahuiga lahi ke iloa e tau puhala kehekehe ne maeke ia koe ke iloa e tau mena tutupu ke he magaaho ka tupu e taha lekua fakalutukia.
He lau pepa nei
Letio
Kaeke ke mate e hila, to maeke he taha letio ne moui ke he sola poke makakasa (poke letio he haau a peleoafi) ke lagomatai a koe ke tumau ke iloa e tau vala tala foou. Kaeke ke tupu e taha lekua fakalutukia, vivilo ke moua e tau leo taogo nei:
- Radio New Zealand(external link)
- The Hits(external link)
- NewstalkZB(external link)
- MoreFM(external link)
Kumi atu ke he haau a Civil Defence Emergency Management Group ke iloa ko e tau leo taogo fe ne talahau he kau ia kua lata a koe ke fanogonogo ki ai ka tupu e taha lekua fakalutukia.
Fakailoaaga Fakalutukia he Telefoni Utafano (Emergency Mobile Alert)
Ko e tau Fakailoaaga Fakalutukia he Telefoni Utafano (Emergency Mobile Alert) ko e taha puhala a ia ke moua mai e tau vala tala hagaao ia ke tau lekua tutupu fakalutukia he haau a matakavi. Kaeke ke nakai haohao mitaki e haau a moui, malolo tino poke kaina, to maeke e tau Fakailoaaga Fakalutukia he Telefoni Utafano (Emergency Mobile Alerts) ke fakafano ke he haau a telefoni utafano. Nakai fakapuke pepa a koe poke lali ke hu atu ke he taha poko kupega hila.
Fakaako mo e iloa hagaao ia ke he Fakailoaaga Fakalutukia he Telefoni Utafano (Emergency Mobile Alert)
Kupega Hila
Ke moua e tau vala tala foou ke he haau a matakavi, fakakia ke he poko kupega hila he tufono maaga pihia mo e tau poko kupega hila ne mahuiga ke he tau tagata tokologa. Pihia foki mo e poko kupega hila he Civil Defence Emergency Management Group mo e tau poko kupega hila ne mahuiga ke he tau tagata tokologa.
Ko e tau vala tala foou to maeke ke moua ke he poko kupega hila he National Emergency Management Agency(external link) pihia ke he poko kupenga hila.
Kumikumi mo e moua e tau vala tala foou ke lata mae tau lekua tutupu fakalutukia mo e tau lekua matematekelea mai he National Emergency Management Agency. Mae tau hatakiaga hagaao ia ke taute ke mau ke lata mo e tau lekua matematekelea finaatu mo e muita ke he @NZGetReady Twitter
Kumi e tau vala tala kua tohia pauaki mae tau lekua tutupu fakalutukia mo e tau hatakiaga ke iloa e tau puhala kua muaatu ke taute ke mau kaeke kua tutupu e tau matematekelea i Niu Silani. Kumi mo e fakatutala ke iloa ko e taute fefe ke mau ke lata mae tau lekua tupu fakalutukia, fahia fefe ka tupu e lekua, mo liu mafiti ke he tuaga fakamua.
Kumikumi ma e haau a matakavi e Civil Defence Management (CDEM) Group.
Kumikumi ke iloa atu foki hagaao ke he National Emergency Management Agency.
Iloa e haau a tau katofia kaina
Fano ke iloa e haau a tau katofia kaina. Kaeke ke tupu e taha lekua fakalutukia, to maeke ia mutolu ke felagomataiaki ha kua lavelave e kau gahua civil defence mo e tau faahi gahua he lagomatai ke he tau tagata ne kua lata lahi ke moua e tau lagomatai mai ia lautolu. Finaatu ke gahua auloa mo e haau a maaga mo e feiloaaki haau a tau katofia kaina to tupu e taha lekua fakalutukia.
Tauteute ke mau
Ha iai e tau puhala mukamuka ne maeke ia koe ke tauteute a koe mo e haau a magafaoa ke mautali mo e moua e haohao mitaki.
