(Taha e tagata ne tui he peleue mohe mo e tau sevae mohe ne fae fakamea he fale i mua he puhio.)

Beep Beep [Ko e leo ke fakailoa e lekua tupu fakalutukia ne logona ke he telefoni]

(Kua taupopo e tagata ke moua he telefoni mai he haana a kato tapulu mo e toto hake ki luga. Kua puho ago e telefoni mo e kitia foki e taha fakamailoga lahi.)

Ke lagomatai ke moua e haohao mitaki kaeke ke tupu e taha lekua fakalutukia —

(Kua go tumau e masini fakamea fale mo e holo ni e ia mo e mimiti hake e tau palana hio.)

– ko e tau telefoni ne maeke ai nei ke moua e tau Fakailoaaga Fakalutukia he Telefoni Utafano (Emergency Mobile Alert).

(Kua galo e tagata mo e masini fakamea fale ka e kua hiki aki e tokoua ha ne fae fakamau he tagata fakamau tagata.)

Beep Beep [Ko e leo ke fakailoa e lekua tupu fakalutukia ne logona ke he telefoni]

(Ko e magaaho ne fakagege hifo he tagata e fifine ke figita, kua auloa a laua mo e tagata fakamau tagata ke totoho mai e tau telefoni ha lautolu he tau kato tapulu. Fai tagata ne fakaleo e ofo ti kua puho ago oti e tau telefoni ha lautolu mo e kitia e taha fakamiloga lahi. Kua kamata e tagata ke veli atu ke he haana a hoana foou.)

(Kua galo kehe e kau tokoua ne taute ke mau. Kua fakapulele mai e frisbee he faahi hema he hio. Ne haha i ai e tau akau ke he fonua mo e tau aolu ke he pulagi. Kua tutuli he kuli e frisbee mo e kua tutuli he tagata ne tui he taute poi pauaki ne tutuli he kuli. Kua liuaki he kuli e frisbee ke he fifine mo e kua popo e ia e ulu he kuli.)

Ti ka logona e koe e leo nei—

(Kua uta kehe he fifine e frisbee mai he kuli mo liu liti foki ke poi e kuli ke hapo.)

Beep Beep [Ko e leo ke fakailoa e lekua tupu fakalutukia ne logona ke he telefoni]

(He magaaho ne fakaleo ai e logo mae tau lekua tutupu fakalutukia, kua pou matima e kuli ke he uho he lagi mo e nakai maeke ke moua e frisbee. Kua totoho mai he fifine haana a telefoni mo e toto ki luga. Kua puho ago e telefoni mo e kitia foki e taha fakamailoga lahi.)

—oti noa e taute e tau mena haau ne fae taute mo e mui tua ke he tau hatakiaga.

(Kua liu e kuli ono ke he fifine.)

(Kua galo e fifine mo e kuli. Kua kitia e taha fakatino triangle ago mo e taha fakamailoga matatohi. Kua uune ke he faahi matau mo faliu ke he fakatino Emergency Mobile Alert. Ko e tau kupu ‘Stop doing what you’re doing’ ne kua kitia ki lalo hifo. Ko e tau kupu ‘Find out more at civildefence.govt.nz’ ne kua kitia foki.

Beep Beep [Ko e leo ke fakailoa e lekua tupu fakalutukia ne logona ke he telefoni]

Ko e tau mena ke iloa hagaao ia ke he tau Fakailoaaga Fakalutukia he Telefoni Utafano (Emergency Mobile Alerts)

Ko e Fakailoaaga Fakalutukia he Telefoni Utafano (Emergency Mobile Alerts) ko e tau fakailoaaga hagaao ni ke he tau lekua tutupu fakalutukia. Ne fakafano he tau pule ke he tau kau gahua mae tau lekua fakalutukia ke he tau telefoni utafano. Kua talaga e tau koloa nei ke haohao mitaki e tau tagata mo e kua fakapuloa ke he tau telefoni mai he tau taoa pauaki.

Kua onoono fakalahi e tau fakailoaaga nei ke he tau matakavi ne lauia ke he tau mena hagahaga kelea lahi. To fakafano ni a lautolu kaeke kua nakai haohao mitaki ke he tau momoui, malolo tino poke kaina, mo e, ke he falu magaaho ke lata mae tiviaga noa ni.

Ko e tau talahauaga hagaao ia ke he Fakailoaaga Fakalutukia he Telefoni Utafano (Emergency Mobile Alerts)

Talamai e tau manatu hagaao ia ke he tau Fakailoaaga Fakalutukia he Telefoni Utafano (Emergency Mobile Alerts). Ko e tau vala tala ne okooko mai he tau manatu fakakite to lagomatai kia mautolu ke fakaholo ki mua e tau faahi nei.

Ko e fakatino he Emergency Mobile Alert

Moua fefe e tau Fakailoaaga Fakalutukia he Telefoni Utafano (Emergency Mobile Alerts)

Ke moua e tau Fakailoaaga Fakalutukia he Telefoni Utafano (Emergency Mobile Alerts), kua lata ke fai telefoni ne maeke ke moua e tau mena nei. Kua lata foki he telefoni ke moua mitaki e tau fakailoaaga mo e katoatoa e tau koloa fakaaoga. Kua ai lata ia koe ke hu atu ke he taha poko kupega hila poke hu atu foki ke he taha faahi gahua.

  1. Fakakia ha i ai nakai e haau a telefoni ke he taha fakamauaga ke he tau telefoni ne totou ko e tau telefoni aoga.
  2. Fakafoou e tau polokalama ne fakaaoga ki loto he haau a telefoni.

Fakamolemole ti kitekite ke he haau a pepa ne moua mo e foni poke tutala mo e haau a tagata gahua ke he tau telefoni kaeke kua manako a koe taha lagomatai ke fakafuoou.

Maeke nakai ia au ke uta kehe e tau Fakailoaaga Fakalutukia he Telefoni Utafano (Emergency Mobile Alerts)?

Ha ko e tau Fakailoaaga Fakalutukia he Telefoni Utafano (Emergency Mobile Alerts) ko e na taute ke maeke ia koe ke haohao mitaki, to nakai maeke ia koe ke fakaoti e moua he tau fakailoaaga.

Ne nakai fakamatafeiga ni a mautolu ke he falu a tau telefoni, ka e fakapuloa ni ke he tau matakavi ne iloa kua hagahagakelea. Ha kua pihia, ne nakai maeke ia mautolu ke nakai putoia haau a telefoni.

To liga maeke e foni haau ke fakakite e tau fakatokatokaaga kehekehe ne fakaaoga ke falu a tau motu kehe, ka ki Niu Silani fakaaoga a mautolu he taha leo taogo pauaki ne fakamoui tumau.

Fai vala tala mo e tau koloa fakaaoga

Pepa
Emergency Mobile Alert logo

Totou faka-Peritania e Decision for Emergency Mobile Alert ke tumau ni ke nakai maeke ke fano-kehe mai taha ke moua e tau vala tala foki.

Ko e laini matutaki ki Loto
Speech bubbles with question marks in them

Moua e tau tali aoga ke he tau mena fa mahani ke huhu tumau hagaao ke he tau Fakailoaaga Fakalutukia he Telefoni Utafano (Emergency Mobile Alerts).

Pepa
Emergency Mobile Alert logo

Totou faka-Peritania e Director’s Statement for Emergency Mobile Alert Device Standards. Fakamahino mitaki he talahauaga nei e tau manako ke lata mae tau tutuaga he tau telefoni utafano kua lata mae tau fakailoaaga fakalutukia i Niu Silani.

Ko e Tau Talahauaga
Emergency Mobile Alert logo

Moua e tau fakailoaaga nei ne fakamaama ke he Emergency Mobile Alert System.

Tauteute ke mau

Ha iai e tau puhala mukamuka ne maeke ia koe ke tauteute a koe mo e haau a magafaoa ke mautali mo e moua e haohao mitaki.