O le gaioiga sa'o e tatau ona fai pe a lūlū se mafuie o le Faapau, Ufiufi ma Pipii. Aoao le faiga o le Faapau, Ufiufi ma Pipii.

Faiga o le Faapau, Ufiufi ma Pipii 

FAAPAU i ou tuli ma lima. E puipuia ai lou pau atu, ae o lo o mafai ona e minoi pe a moomia.

UFIUFI lou ulu ma lou ua (po o lou tino atoa pe a mafai) i lalo o se laulau malosi po o se kesi (pe afai o lo o latalata ane). Faaaogā ou lima ma ogalima e ufiufi ai lou ulu ma lou ua, pe afai e lē o latalata ane se mea e te malupuipuia ai.

PIPII i le mea o lo o e malu ai (po o le puipui o lou ulu ma lou ua i le tulaga o lo o e iai) seia uma le mafuie. Minoi faatasi ma le mea o lo o e malu iai, pe a fesiitai solo le mea o lo o e malu ai e le mafuie.

Primary school students doing Drop, Cover and Hold

O le faiga e Faapau, Ufiufi ma Pipii ai i tulaga eseese 

Person doing Drop Cover and Hold outdoors

Afai o e i fafo

Afai o e i fafo, ia lelei lou mamao ese mai fale, laau, poumoli, ma uaea eletise, ona e Faapau, Ufiufi ma Pipii lea.

People doing Drop, Cover and Hold in elevator

Afai o e i totonu o se lifi

Afai o e i totonu o se lifi, Faapau, Ufiufi ma Pipii. A uma se lūlū, taumafai e te agai i le fogafale pito lata ane pe afai e saogalemu ona fai.

Car stopped next to a stop symbol

Afai o e avea le taavale

Afai o e avea le taavale, afe ma tu i se nofoaga e malu ai. Tu. Faatali i le mea ua faatu ai le taavale ma faamau lau fusipau seia uma lelei le lūlū o le mafuie. O le taimi lava ua uma ai le lūlū o se mafuie, faaauau le faigamalaga ma le faaeteete ma alofia auala laupapa po o patu auā e ono faaleagaina.

Person in bed with their pillow over their head

Afai o e taoto i le moega

Afai o e taoto i le moega, nofo ai i le moega ma toso ie ma palanikeke e te afu ai ma faaaogā le aluga e puipuia ai lou ulu ma le ua. E itiiti lava tulaga e te ono lavea ai pe a e nofo ai pea i le moega.

Person doing Sit Cover and Hold with a cane

Afai e faaletonu ona e gaioi po o faaaogā se tootoo

Afai e faaletonu ona e gaioi po o faaaogā se tootoo, taumafai e faapupuu i le maualalo e mafai ai po o lou saofai i se nofoa, moega ma isi. Ufiufi lou ulu ma le ua i ou lima uma e lua. Faalatalata atu lau tootoo e mafai ona e faaaogā pe a uma ona lūlū o se mafuie.

Person doing Lock Cover and Hold in a wheelchair

Afai e te faaaogā se walker po o se wheelchair

Afai e te faaaogā se walker po o se wheelchair, Loka, Ufiufi ma Pipii. Loka vae e vili ai ma faapupuu i le maualalo e mafai ai. Punou ma Ufiufi lou ulu ma le ua i le faiga sili ona e mafaia ai. Ona Pipii ai pea lea seia uma lelei le lūlū o le mafuie.

Punaoa

Cartoon person doing Drop, Cover and Hold

Malamalama pe aisea ua avea ai le Faapau, Ufiufi ma Pipii o se faiga sa'o e tatau ona fai pe a tupu se mafuie i faamatalaga faamaonia o tusia i le Gagana Peretania.

Cartoon person doing Drop, Cover and Hold

O le gaioiga sa'o e tatau ona fai pe a lūlū se mafuie o le Faapau, Ufiufi ma Pipii. Matamata i le video i le Gagana Peretania e te malamalama atili ai i le Faapau, Ufiufi ma Pipii.

Ituaiga lamatiaga

I totonu o Niu Sila e tele lamatiaga faalenatura e tutupu ai. Saili i faamatalaga e te iloa ai gaioiga e fai a o lei tupu, i le taimi o tupu ai ma le uma ai ona tupu o ituaiga faalavelave faafuasei taitasi.