Savaliga galulolo
Afai e te iai i se sone galulolo, e tatau ona e faataitai le auala e te tuua ai le nofoaga, po o le ‘savaliga galulolo.’ O le savaliga galulolo o se savali agai ese mai le sone galulolo i uta po o le agai i nofoaga maupuepue.
Tusia i le itulau lenei
O le ā le savaliga galulolo?
O le savaliga galulolo o se savali agai ese mai le sone galulolo i uta po o le agai i nofoaga maupuepue. E aogā le faataitai o le auala e tuua ai le sone galulolo e te masani ma manatua lelei ai pe a tupu, tusa lava pe afai o se tulaga faigata tele.
E lamatia Niu Sila atoa i mafuie ma galulolo. O le faataitai o lau savaliga galulolo o se auala faigofie mo oe ma isi o lata ane ia iloa le gaioiga sa'o e fai. Faataitai lau savali ese po o le tietie i le uila i nofoaga maualuga po o uta.
Afai o e iai i le sone galulolo, faataitai ona e tuua le sone.
Umi pe Malosi, Alu Ese Loa
Manatua, Umi pe Malosi, Alu Ese Loa.
Faapau, Ufiufi ma Pipii a o lūlū se mafuie. Muamua ona e puipui ia te oe lava mai le mafuie.
O le taimi lava ua uma ai ona lūlū, agai vave loa i se nofoaga maupuepue pito lata ane po o le agai i uta e te alu ese ai mai sone galulolo.
Vaiaso savaliga galulolo
E lamatia talafatai uma o Niu Sila mai galulolo. O le vaiaso savaliga galulolo a le East Coast LAB e uunaia ai tagata e faataitai ma faamasani i le auala e agai ese mai ai pe a oso se galulolo.
O le New Zealand ShakeOut e faia ia Oketopa o se avanoa lelei foi lea mo oe e faataitai ai lau savaliga galulolo.
Tagai i le upegatafailagi a le East Coast LAB e te malamalama ai i le Tsunami Hīkoi Week.
Me pēnei te whakaharatau i tō hīkoi ngaru taitoko
Vaai po o tu lou fale, galuega, aoga po o nofoaga faitele i totonu o le sone galulolo e tatau ai ona agai ese mai ai. Fuafua se auala e saogalemu e te tuua ai le sone. Fuafua e te savali ese pe tietie i lau uila. E maua atu i le tou Civil Defence Emergency Management Group faafanua o sone galulolo e agai ese mai ai faapea ma fautuaga.
Taupule le nofoaga tonu tou te agai i ai (ma ia mautinoa o iloa e tagata uma o lou aiga, ina ne'i eseese nofoaga o tou iai). E ono tutusa lava le nofoaga tou te agai i ai faapena ma au uo ma aiga, o le mea lena e lelei ai ona faamautinoa o iloa e i latou nei au fuafuaga.
Faataitai faatasi lau savaliga galulolo ma lou aiga, paaga po o au uo i le aoga. O le vaiaso savaliga galulolo ma le ShakeOut o avanoa lelei e faataitai ai. A iai sau fagafao ave e te lua savali faatasi i le auala e tuua ai sone galulolo.
Saili atili i le faamatalaina o galulolo
Malamalama i lau sone galulolo e tatau ona agai ese mai ai. Siaki faamatalaga o tuuina atu e le tou Civil Defence Emergency Management Group o le nofoaga o e iai. E maua atu ai faafanua o sone galulolo e agai ese mai ai faapea ma fautuaga. Ia mautinoa o e iloa le nofoaga e te agai i ai, po o fea lava o e iai po o le fale, galuega po o fea lava.
Fai se kopi o le East Coast LAB's tsunami hīkoi information sheet. Faamaopoopo se savaliga galulolo mo tagata lautele.
Fai se kopi o faaaliga tetele o le East Coast LAB's tsunami hīkoi. Faailoa lou auai ai ma faailoa atu i isi tagata.
Fai se kopi ma lolomi le faaaliga tetele lea. Faapipii i lou fale, aoga, galuega po o se nofoaga faitele. Manatua, afai e Umi pe Malosi se mafuie, Alu Ese Loa.
Fai se kopi ma lolomi le faaaliga tetele lea. Faapipii i lou fale, aoga, galuega po o se nofoaga faitele. Manatua, afai e Umi pe Malosi se mafuie, Alu Ese Loa.
