Galue tauofo

E mafai ona tauofo lau fesoasoani i au uo, aiga ma tagata a o lei tupu, i le tupu ai ma le mae'a ai o faalavelave faafuasei.

Galue tauofo i galuega e puleaina ai faalavelave faafuasei

O le tele o afioaga e maua ai se Civil Defence Centre po o se nofoaga tutotonu mo tagata lautele. E mafai ona faatasitasi tagata i nofoaga nei i le taimi o tupu ai ma le mae'a ai o se faalavelave faafuasei e felagolagomai ai le tasi i le isi.

I le tupu ai o se faalavelave faafuasei, o le a tatala nofoaga tutotonu nei ma e faafoe e tagata mai nofoaga nei ina ia mafai ona faatasitasi tagata e tuuina atu le fesoasoani i o latou tagata i le tupu ai ma le mae'a ai o se faalavelave faafuasei.

E galulue faatasi ma lagolagoina e New Zealand Response Teams pulega tau puipuiga, auaunaga mo faalavelave faafuasei ma isi matagaluega o maua ai galuega e tali atu ai. E tofusia vaipanoa o Niu Sila ma vaega nei.

O lo o faia i le taimi nei galuega a le National Emergency Management Agency e atiae se faiga malosi ma le gafataulimaina o agavaa ma le tomai o tagata o galulue tauofo mo le faatinoga o galuega e puleaina faalavelave faafuasei i totonu o Niu Sila.

Faafesootai le tou Civil Defence Emergency Management Group e te iloa ai auala e mafai ona e galue tauofo ai.

Atiae se faiga malosi ma le gafataulimaina o tomai ma agavaa i auala e galue tauofo ai

O lo o faia i le taimi nei galuega a le National Emergency Management Agency e atiae se faiga malosi ma le gafataulimaina o agavaa ma le tomai o tagata o galulue tauofo mo le faatinoga o galuega e puleaina faalavelave faafuasei i totonu o Niu Sila. O le National Emergency Management Agency, faatasi ai ma le Fire Emergency New Zealand, New Zealand Police, New Zealand Search and Rescue ma le Ministry of Health o matagaluega nei o lo o faatinoa faiga e talafeagai ona faaaogā ma e mafai ona fetuutuunai ina ia gafatia luitau o le a tutupu i le lumanai e tusa ai ma galuega e tali atu ai ma toe faaleleia ai.

Volunteering New Zealand

O le Volunteering New Zealand (VNZ) o se sosaiete tutotonu mo tagata e galulue tauofo ma isi faalapotopotoga o fia galulue tauofo.

E mafai e le VNZ ona fesootai oe i isi avanoa e mafai ona galue tauofo ai.

Lesitala i se Neighbourhood Support Group

Lesitala pe faamaopoopo se Neighbourhood Support Group e mafai ai ona tou fefaasoaa'i ma ou tuaoi tomai ma punaoa e taulimaina ai se faalavelave faafuasei.

O Neighbourhood Support Groups e faamaopoopoa tagata o se vaipanoa e atiae sootaga e maua ai le saogalemu, felagolagomai ma fesootai lelei ai, ia galulue vavalalata ma le Ofisa o Leoleo ma isi faalapotopotoga eseese.