Sauni mo le COVID-19

Fai tuipuipui auā le tausisia o le saogalemu o oe lava, o lou aiga, o au uo ma le afioaga mai le COVID-19.

Nofo sauni e faanofoesea i le fale

E mafai na e sauni i le taimi nei mo mea e moomia ona e faia pe afai ua e maua i le COVID-19. O le nofo sauni o lou faamuamua lea o tagata, faatalanoa, fesootai ma iloa gaioiga e fai. O le nofo sauni o lona uiga o le a gafatia e lou aiga ma tagata o le tou afioaga ona fesoasoani le tasi i le isi pe a moomia.

Afai ua faamaonia ua e maua i le COVID-19, o le a moomia na e faanofoesea faapena i tagata uma o tou nonofo faatasi ina ia fesoasoani e taofia le salalau o le siama.

O le toatele o tagata ua maua i le COVID-19 e feoloolo ma‘i e maua ai. E mafai e tagata nei na faanofoesea ma toe faafoisia atoa le malosi i le fale, po o se apitaga talafeagai, faatasi ma le lagolagosua mai auaunaga tausiga faasoifua maloloina faalotoifale.

Fai se fuafuaga

E moomia lou iloa o le gaioiga e fai pe afai ua maua se tasi o tou nonofo faatasi i le COVID-19. E tatau i tagata uma o tou nonofo faatasi ona nonofo ai i le fale.

O ai e mafai ona fesoasoani atu ia te oe?

Vaai tagata tou te le o nonofo faatasi e mafai ona fesoasoani atu pe afai ua faanofoesea le tou fale. Mo se faataitaiga, e momoli atu meaai po o oloa.

O iai tagata o tou nonofo faatasi e ono moomia tausiga faaopoopo po o lagolagosua? Talanoa i auaunaga o faia tausiga mo oe i le fale tou te malilie i tulaga o le a oo i ai pe afai e moomia na e faanofoesea. Fai fuafuaga pe afai o tausoa le vaaiga o se tamaitiiti po o se tasi e faalagolago le tausiga ia te oe.

Faamata e te moomia se fesoasoani faaopoopo?

O le toatele o tagata e mafai na gafatia tulaga faatasi ma le fesoasoani mai uo ma aiga. Ae afai e te moomia le faaopoopo o le fesoasoani, e mafai e le Ministry of Social Development na fesootai oe i auaunaga e fetaui mo oe. Vili fua le 0800 512 337.

E ono mafai na maua atu se fesoasoani mai le Work and Income mo tupe faaalu.

O ā au fuafuaga mo lau galuega ma le aoga?

Talanoa i lou pule o le galuega, o vaega o le aoga o auai ai lou alo ma tagata e iloa ai a latou fuafuaga.

O latou moomia se mea mai ia te oe? Faamata e mafai na latou fesoasoani atu ia te oe? Faamata e mafai ona e faigaluega mai le fale po o le aooga o lau fanau mai le fale?

Faailoa i tagata o lena e te faanofoesea

Faavasega pe faapefea na e faailoa i tagata o lena e faanofoesea tagata o tou nonofo faatasi. E pei o se faaaliga i le faitotoa i luma po o le pa o tautau ai se ata o le QR code e mafai ai e tagata ona faamauina faamatalaga o nofoaga sa iai.

Afai o momoli atu e tagata ni mea e aunoa ma le fesootai, e te manao e text atu pe lafo atu se feau a o le i taunuu? Faaeē atu le pu o le taavale mai le pa? Faaaogā se auala ua tou malilie e ulufale atu ai?

Tusi i lalo faatonuga

Tusi i lalo soo se faatonuga mo le tou fale e faigofie i se tasi ona malamalama ma mulimulitai i ai pe afai ua e ma‘i ma ua tatau na e nofo i se nofoaga e pulea ai le faanofoesea po o le falemai. Tautuana mea e pei o le fafaga o fagafao, totogi pili ma fui laau.

E faapefea na e faaitiitia le pipisi atu?

Mafaufau i auala e mafai na faatulaga ai le tou fale ina ia faaitiitia ai le pipisi atu o le COVID-19. Tusi se faafanua o le tou fale ma faailoga sone i le nofoaga o lo o tou iai. Mo se faataitaiga o nofoaga e faaaogā faatasi, nofoaga e faanofoesea ai ma le nofoaga e fufulu ai lima i vailaau fufulu lima.

Fuafua po o ā mea tou te moomia

Vaai po o ā mea e te ono moomia e aogā mo oe lava ma tagata o tou nonofo faatasi.

• Fai se lisi o faamatalaga o tagata o lou aiga. Ia aofia ai igoa o tagata uma, tausaga, numera NHI, soo se faaletonu i le soifua maloloina ma fualaau e masani na inu po o mea e tausi ai le soifua maloloina e moomia e tagata taitasi. Ia aofia ai faamatalaga o tagata e faafesootai i taimi o faalavelave faafuasei e pei o lau fomai, auaunaga faafomai i tua atu o itula faigaluega ma nisi auaunaga tau lagolagosua.
• Faaputuputu mea e te fiafia i ai. O a mea e taofia ai lou nofonofo pe afai o e faanofoesea i le fale?
• Tuufaatasia mea e tausi ai le soifua lelei. Ia aofia ai ufi fofoga, vailaau fufulu lima, totini lima, solo pepa, taga lapisi ma mea faamamā.
• Ia mautinoa ua e maua mea e gafatia ona taulimaina ai āuga o le COVID-19. E pei o fualaau mo le tiga, mea e mitimiti mo le tiga o le faaī, fualaau mo le tale, aisa poloka ma mea e mili ai le fatafata.

Vaai po o ā mai uo ma aiga

O la tatou galuega fai faatasi ma o le a tatou manuia faatasi uma ai.

• Fesootai pea. Faatulaga taimi e asiasi ai i aiga, uo ma tagata. Ae afai o lena e te faanofoesea, ia mautinoa o tou fesootai i luga o le initaneti po o le telefoni.
• Fesoasoani i au uo, aiga ma au paaga i le galuega e fai e nofo sauni ai.
• Vaai po o a mea o tutupu faalotoifale. Faamata o iai se vaega o gaosia meaai tuu aisa, maua ai manatu i auala e tapena ai fuafuaga po o le fia maua o tala i mea o tutupu?