O le malamalama i aafiaga o se faalavelave faafuasei e mafai ai ona e gafataulimaina tulaga e oo i ai. Fai se tou tala ma tagata o tou nonofo faatasi ma taupule gaioiga e fai pe a tulai mai tulaga nei.

Lē mafai ona tuua le fale

Two people looking out a window

A nofo i le fale o lona uiga e ono leai se eletise ma le suavai po o se isi auala e maua atu ai mea o moomia mo le tolu aso pe sili atu.

O lava tou meaai ma le suavai? Ae faapefea i latou o moomia fualaau? O lava foi meaai ma vai mo fagafao?

Sauni mo ni tulaga e lē mafai ai ona tou tuua le fale

Ua lē mafai ona alu i le fale

A road closed sign in front of a cracked road

A tupu se faalavelave faafuasei, e ono lē feoai auala mo feoaiga lautele, ma poloka le feoai o taavale i auala ma tuaoi.

Afai e lē o mafai ona e ūia le auala masani e te alu ai i le fale, e faafefea ona e taunuu i le fale? O ai e te lua ō? O fea tou te fetaui ai pe afai ua faasā ona ūia le auala o le nofoaga e te nofo ai?

Sauni mo ni tulaga e lē mafai ai ona e oo i le fale 

Tatau ona ō ese

Adult with a grab bag walking with two children

E iai nisi o fale, auala ma tuaoi e lē saogalemu ona nofo ai ma e ono moomia ona e tuua faanatinati.

Afai ua ō ese tagata o le tou itu auala, o fea e te agai i ai? O ā mea e te avea? Ae faapefea fagafao? Faamata o moomia e ou tuaoi lau fesoasoani?

Sauni e tuua se nofoaga

Pe le eletise

Plug not plugged into an extension cord

O le ā sau gaioiga e fai pe a faitau aso o motusia le eletise? E faapefea ona e iloa atu se mea, kuka, ma maua le mafanafana?

O le motusia o le eletise e aafia ai masini EFTPOS ma ATM. Teu se tinoitupe i le fale, po o le faaputu ia lava mea o moomia mo le isi tolu aso pe sili atu.

Nofo sauni mo le pe o le eletise

Pe le suavai

A kitchen tap

Mafaufau i le leai o se suavai mo le tolu aso pe sili atu. E faapefea ona fufulu, kuka ma faamamā se mea? O ā mea o le a e inua?

E mafai ona aafia le suavai maua i se faalavelave faafuasei. Faaputuputu suavai e faaaogā mo aso e tolu pe sili atu.

Nofo sauni mo le pe o le suavai

Leai se telefoni po o le initaneti

Phone with no internet connection

O le ā sau gaioiga e fai pe afai ua motusia laina telefoni ma le initaneti? O le a faapefea ona e fesootai, faatulaga se auala tou te fetaui ai po o le maua pea o talafou ma lapataiga o le tau?

O le tele o faalavelave faafuasei, e sili atu lava le nofo i le fale. Tapena lou fale tou te fetaui ai ma se isi nofoaga ina ne'i te'i ua lē mafai ona e oo i le fale.

Sauni mo le pe o le telefoni po o le initaneti