Leai se telefoni po o le initaneti

O le ā sau gaioiga e fai pe afai ua motusia laina telefoni ma le initaneti? O le a faapefea ona e fesootai, faatulaga se auala tou te fetaui ai po o le maua pea o talafou ma lapataiga o le tau?

O le tele o faalavelave faafuasei, e sili atu lava lou fale e te nofo ai. Tapena lou fale tou te fetaui ai ma se isi nofoaga ina ne'i te'i ua lē mafai ona e oo i le fale.

Fautuaga sili

Fuafua se nofoaga tou te fetaui ai

Talanoa i lou aiga pe faapefea ona tou fesootai ma o fea tou te fetaui ai pe a tupu se faalavelave faafuasei.

Afai e iai sau fanau

Ia mautinoa o e iloa fuafuaga mo faalavelave faafuasei a le tou aoga po o le aoga amata. Faailoa i ai igoa o se toatolu e mafai ona pikia lau fanau pe afai ua lē mafai ona e saofia atu.

Faalogologo pea mo talafou

Tautuana se leitio e faaola i le malosiaga o le la - po o maauila e te maua ai lipoti lata mai ma lapataiga. Ia e iloa le alaleo e maua atu ai faamatalaga a o tupu se faalavelave faafuasei.

Saili i auala e maua ai pea faamatalaga lata mai 

Fesootaiga i fafo atu ma le taulaga

Ia iloa e tagata uma se tasi e fai ma fesootaiga i fafo atu ma le taulaga. O nisi taimi e mafai pea ona e fesootai i isi i fafo atu ma le nofoaga o e iai pe afai ua motusia laina telefoni. E lelei le fesootai o tagata uma ma se tasi o tou fesootai i fafo atu ma le taulaga i le text po o feau tusitusia i fesootaiga televavave pe a tupu se faalavelave faafuasei pe afai e mafai lea tulaga.

Fai se lisi

Fai se lisi tusitusia o numera telefoni tāua.

Text po o feau tusitusia

A tupu se faalavelave faafuasei, e vave tele ona poloka fesootaiga i luga o le telefoni. Faaavanoa laina telefoni ina ia mafai ona fai se valaau mo se faalavelave faafuasei ma, a mafai ai, text pe faaaogā feau tusitusia i fesootaiga televavave e fesootai ai.