E tutupu faalavelave faafuasei i soo se taimi, ma soo se nofoaga, ma e masani ona tupu e aunoa ma se lapataiga. E tāua le faia o fuafuaga mo faalavelave faafuasei e te iloa ai gaioiga e tatau ona fai pe a tupu se faalavelave faafuasei.

Fai se fuafuaga mo faalavelave faafuasei mo tagata o nonofo faatasi

E aogā le fuafuaga mo faalavelave faafuasei e iloa ai e tagata uma o nonofo faatasi lana gaioiga e fai i le tupu ai o se faalavelave faafuasei ma auala e nofo sauni ai. E aogā le fuafuaga e tuuitiitia ai le vevesi i le taimi ua tupu ai se faalavelave faafuasei.

Fai faatasi ma lou aiga se fuafuaga e gafataulimaina ai se faalavelave faafuasei. Mafaufau i mea tou te moomia i aso uma ma faatulaga se isi fua pe afai e lē o iai mea o moomia.

Faatusatusa lau fuafuaga ma isi fuafuaga mo faalavelave faafuasei mo nofoaga e masani ona e asiasi i ai.

Fai se fuafuaga mo faalavelave faafuasei mo le galuega

I le tupu ai o se faalavelave faafuasei, e ono lē mafai ona e tuua le galuega, e aunoa ma sau auala e te toe foi ai i le fale. Fai sau fuafuaga mo faalavelave faafuasei e patino ia te oe e te iloa ai le tagata e faafesootai i le galuega ma fai sau fuafuaga pe faapefea ona saogalemu lou foi ai i le fale.

Faailoa i le aufaigaluega e faatumu le fuafuaga e patino i le tagata mo faalavelave faafuasei i le falefaigaluega mo se faalavelave faafuasei e tupu i taimi o itula faigaluega.

Construction worker talking to two people

O le tapenapena mo faalavelave faafuasei o se gaioiga e lelei mo pisinisi. E fesoasoani e tausisia ai le saogalemu o oe ma lau aufaigaluega ma le tuuitiitia o taimi e mālōlō ai galuega.

Fai se fuafuaga mo faalavelave faafuasei mo le aoga

Vaai po o le ā le fuafuaga mo faalavelave faafuasei ua saunia e le aoga amata po o le aoga.

  • Saili po o fea le nofoaga saogalemu ua fuafuaina e aoga e piki mai ai lau fanau i le mae'a ai ona tuuina atu o se “faatagana.” 
  • Fuafua e te savali pe vili lau uila, pe a mafai e piki mai ai lau fanau. E ono poloka auala e agai atu ma agai ese mai le aoga. E ono pisi laina telefoni i le taimi o se faalavelave faafuasei.
  • Ia mautinoa o sa'o numera e faafesootai ai le aoga amata po o le aoga. Faailoa i ai se lisi o se toatolu e mafai ona pikia lau fanau pe afai ua lē mafai ona e saofia atu.

Fai se fuafuaga mo faalavelave faafuasei mo tagata lautele

Fai se fuafuaga mo faalavelave faafuasei mo tagata lautele e iloa ai e tagata auala e fesoasoani ai le tasi i le isi i le tupu ai o se faalavelave faafuasei. O le tasi o auala sili ona lelei e sauni ai mo faalavelave faafuasei o le talanoa lea i isi tagata.

Two couples meeting each other

Fesoasoani i au uo, aiga ma tagata ia sauni mo faalavelave faafuasei.

Nofo sauni tagata tou te nonofo faatasi

O lau faitalia le faamautinoa ua iloa e lou aiga le gaioiga e fai ma ua tou maua mea uma e mafai ai ona tou gafataulimaina faatasi se tulaga ua feagai ai. Mulimulitai i auala faigofie nei e sauni ai tagata tou te nonofo faatasi.