A tupu se faalavelave faafuasei, e ono lē mafai ona e alu ese ma le fale mo le tolu aso pe sili atu. Vaai po o ā mea e te moomia ma fai sau fuafuaga e mafai ai ona e gafataulimaina le tulaga ua e maua ai.

I le fale

Atonu o lena ua maua le tele o mea e te moomia. E lē tau faaputua mea uma i le nofoaga e tasi, ae e ono moomia le mafai ona maua pe a e faanatinati ma/po o le maua i le pogisa.

  • Suavai mo aso e tolu pe sili atu — ia mautinoa o maua le iva lita o le suavai mo tagata taitoatasi uma. E lava lelei mo le inu ma le tumamā lelei ai.
  • O meaai e umi ona teu e lē moomia ona faavela (se'i vagana ogaumu i fafo po o se ogaumu fai barbecue e faaaogā ai le kesi) ma meaai mo pepe ma fagafao.
  • Pepa mo falelēta'ua ma paelo uga lapopoa mo se falelēta'ua mo faalavelave faafuasei.
  • Fai totinilima ma ufi fofoga e ofi lelei o le ituaiga P2 po o le N95.

Afai e faapitoa meaai e te tausami ai, ia mautinoa o lava meaai i le fale mo aso e tolu. E faapea foi ma se ato e te vave alu ese ma ave. Afai e moomia ona e tuua se nofoaga, e ono lē lava meaai o e moomia i nofoaga mo faalavelave faafuasei.

Aua ne'i galo e mafai ona tou galulue faatasi ma ou tuaoi e fesoasoani le tasi i le isi i le tau faasoasoa o mea o tou maua.

O lou vaaia lelei o oe lava faapea ma tagata o tou nonofo faatasi, o lena foi ua e fesoasoani i auaunaga mo faalavelave faafuasei e taulai a latou galuega mo tagata e sili ona moomia le fesoasoani.

Fesootaiga i le upegatafailagi lava lea
A kitchen tap

E mafai ona afaina le suavai maua, e aofia ai suavai mo le taumafa, mai se faalavelave faafuasei. Faaputuputu suavai e faaaogā mo aso e tolu pe sili atu. Saili i faamatalaga i le faiga e faaputu ai le suavai.

Fesootaiga i isi upegatafailagi
Civil Defence logo

A tupu se mala, e ono lē mafai ona e faaaogā se falelēta'ua ua masani ai pe afai ua faaleagaina paipa mo vai palapalā mai falelēta'ua. E maua i le Wellington Region Emergency Management Office faatonuga i auala e fau ma faaaogā ai se falelēta'ua mo faalavelave faafuasei.

Totonu o se ato e te alu ese ma ave

Ia sauni ato e ō ese tagata uma o lou aiga ma ave. O mea nei e tatau ona iai i totonu o ato taitasi:

  • Seevae savali, lavalava mafanafana, ofufaatimu ma se pulou
  • Suavai ma meaai māmā (manatua foi pepe ma fagafao)
  • Vailaau fufulu lima
  •  Fafaga maa feaveai
  • Tinoitupe
  • Kopi o faamaumauga tāua ma ID o pipii ai se ata

Manatua soo se fualaau e te ono moomia ma teu lau first aid kit, ufi fofoga po o mea e ufiufi ai fofoga, moliuila, leitio ma maauila i se mea e faigofie ona maua pe a faanatinati ona e alu ese.

Afai e faapitoa lava meaai e te tausami ai, ia mautinoa o aofia meaai nei i mea o teu i lau ato e te alu ese ma ave.

Totonu o lau taavale

Fuafua mamao mo se gaioiga e fai pe a tupu se faalavelave faafuasei o lena e te i totonu o lau taavale. O le osofaia i lologa, afā kiona po o se faalavelave tele tau taavale e faigata ai ona e alu ese ma lau taavale.

Teu mea sili ona moomia mo faalavelave faafuasei e faasaoina ai le soifua i totonu o lau taavale. Afai e te avea le taavale i tulaga loulouā o le vaitau mālūlū, faaopoopo i au mea o teu:

  • se pulumu
  • se suo
  • filifili mo pa'u
  • mea e salu ai faamalama tali savili, ma
  • lavalava mafanafana.

Teu se pea seevae savali, se jacket e talitali ai le susū, fualaau sili ona moomia, meaai māmā, suavai, o se uaea fagamaa mo le telefoni ma se moliuila i lau taavale.

Faalogologo i lipoti lata mai o le tau ma feoaiga i luga o le auala pe a fuafua e te malaga.

Fesootaiga i isi upegatafailagi
MetService logo

Siaki lipoti lata mai o le tau ua saunia e le MetService.

Fesootaiga i isi upegatafailagi
Waka Kotahi logo

Fuafua lau auala e te agai ese ai i faamatalaga tau feoaiga o tutupu i le taimi lava lea i le upegatafailagi a le Waka Kotahi.