E moomia e pepe ma fanau laiti tausiga faapitoa ma le vaaiga i le taimi e tupu ai se faalavelave faafuasei. Saili i faamatalaga e mafai ai ona tausia le fanau.E moomia e pepe ma fanau laiti tausiga faapitoa ma le vaaiga i le taimi e tupu ai se faalavelave faafuasei. Saili i faamatalaga e mafai ai ona tausia le fanau.

Tausiga mo pepe i le tupu ai o se faalavelave faafuasei

E sili atu ona lamatia pepe pe a lē lava le vai o inu po o le maua i se faama'i. Latou te moomia tausiga faapitoa ma le vaaiga i le taimi e tupu ai se faalavelave faafuasei.

I le tupu ai o se faalavelave faafuasei, e ono tapunia auala ma faleoloa mo le tolu aso pe sili atu. E tatau ona lava mea e moomia mo lau pepe i le taimi atoa lea.

  • Napekini e faaaogā ma tiai
  • Baby wipes
  • Vailaau fufulu lima ua faafilogia i le ava malosi
  • Taga lapisi mo napekini palapalā
  • O soo se fualaau po o kulimi e moomia e lau pepe
  • Totinilima e faaaogā ma tiai
  • Lavalava faaleoleo, se palanikeke po o se meataalo e fiafia i ai

Ia mautinoa foi o iai mea o moomia e pepe i le ato e te alu ese ma ave, ina ne'i moomia ona e vave alu ese ma le fale.

Afai e masani ona tuu lau pepe i lou aiga po o tagata o lo o tausia o ia, tuu nisi mea o moomia mo faalavelave faafuasei i nofoaga o tausi ai faapena foi i le fale.

Fesootaiga i isi upegatafailagi
Ministry of Health logo

I le taimi o tupu ai se faalavelave faafuasei e mafai ona faalavelavea ai soifuaga ua masani ai ma e ono moomia ona tuua e tagata o latou fale. O tulaga nei e sili ona faigata mo tina ma tagata o lo o tausia pepe.

E maua mai le Matagaluega o Soifua Maloloina fautuaga i le fafagaina o pepe i le suasusu o le tina po o susu pauta i le tupu ai o se faalavelave faafuasei.

Tausiga o fanau laiti i le tupu ai o se faalavelave faafuasei

E mafai ona tou fuafuaina faatasi ma lau fanau laiti se fuafuaga mo faalavelave faafuasei i lou tuu i ai o feau e mafai ona latou faia. Mo se faataitaiga, fai i ai e tago e siaki le aso o faailoga ai le fagu vai ua faaputu pe siaki po o ola le moliuila.

Talanoa sa'o lava i le mea e ono tupu, ae aua le faia i se auala e faaosofia ai le fefe, i tulaga nei:

  • o le mea e ono tupu pe a tupu se faalavelave faafuasei
  • o se mea e mafai ona e faia e tausisia ai le saogalemu, ma
  • lau fuafuaga pe afai ua lē mafai ona e alu i le fale. 

O auala nei e tuuitiitia ai le fefe ma le atuatuvale ma fesoasoani i tagata uma ia iloa ona tali atu i se mea ua tupu.

O le tele o le faaaofia o i latou i au fuafuaga o fai, o le faaitiitia foi lena o le matafefe pe a tupu se faalavelave faafuasei.

Ia mautinoa o iai mea o moomia mo fanau laiti i le ato e te alu ese ma ave ina ne'i moomia ona e vave alu ese ma le fale. E tatau ona teu i le ato e vave alu ese ma ave, lavalava mafanafana, vai ma meaai māmā, ma se meataalo e fiafia tele i ai po o se taaloga e tata'i ese ai o latou mafaufau mai le mea o lo o tupu.

Fesootaiga i isi upegatafailagi
Ministry of Health logo

E ese lava auala e gafatia ai e tamaiti mea o mafatia ai ma e faalagolago i le matua o lona mafaufau. E maua mai le Matagaluega o Soifua Maloloina taiala e fesoasoani ai i tamaiti ia gafatia ona taulimaina mafatiaga.