Ua matou tuufaatasia tali i fesili e aogā i fesili masani e uiga i Faailo Telefoni Feaveai mo Faalavelave Faafuasei.
O Faailo Telefoni Feaveai mo Faalavelave Faafuasei o se auala e te maua ai faamatalaga o faamatalaina ai faalavelave faafuasei i le nofoaga o lo o e iai. Afai ua iai se tulaga e lamatia ai lou ola, soifua maloloina po o meatotino, e mafai ona lafo atu se Faailo Telefoni Feaveai mo Faalavelave Faafuasei i lau telefoni feaveai. E lē moomia ona e lesitala pe fai se kopi o le app i lau telefoni.
O Faailo Telefoni Feaveai mo Faalavelave Faafuasei o se faasalalauga e patino lava pou telefoni e faasalalau ai i telefoni e mafai ona maua ai. O le a patino lava nofoaga ua aafia i lamatiaga matuia e lafo i ai faailo.
E te lē moomia le fai o se kopi o le app i lau telefoni po o le lesitala mo le auaunaga lea. Na o lou faamautinoa lava pe mafai ona maua faailo i lau telefoni ma e lata mai le faafouga o le polokalame o faagaioia lau telefoni. Afai o ola lau telefoni, e mafai ona maua ai faailo ma o iai i totonu o le nofoaga ua aafia, ona tatau lea ona e maua faailo.
A e maua se faailo, faitau lelei le feau ma aua e te manatu māmā i ai. O le a faailoa atu ai le ituaiga faalavelave faafuasei ma le gaioiga e fai. E faailoa atu ai le pulega na lafoa atu le feau ma, pe a moomia, o nofoaga e te maua ai nisi faamatalaga.
Siaki i le lisi o telefoni e mafai ona maua ai faailo(external link)
Na o pulega faamauina mo faalavelave faafuasei e mafai ona lafoa se Faailo Telefoni Feaveai mo Faalavelave Faafuasei. Faatoa lafo lava e pulega faailo pe afai ua iai se tulaga e lamatia ai le ola, soifua maloloina po o meatotino. E ono lafo foi e pulega faailo o faataitaiga ua faatulaga. Na o pulega faamauina mo faalavelave faafuasei e mafai ona lafoa se Faailo Telefoni Feaveai mo Faalavelave Faafuasei. Faatoa lafo lava e pulega faailo pe afai ua iai se tulaga e lamatia ai le ola, soifua maloloina po o meatotino. E ono lafo foi e pulega faailo o faataitaiga ua faatulaga.
Silasila i le lisi o pulega ua faamauina latou te faasalalauina faailo:
O le a faailoa atu i le faailo le pulega na lafo atu ai le Faailo Telefoni Feaveai mo Faalavelave Faafuasei.
Ua saunia Faailo Telefoni Feaveai mo Faalavelave Faafuasei e fesoasoani e tausisia le saogalemu o tagata pe a tupu se faalavelave faafuasei. Faatoa lafo lava faailo pe a aliae ni tulaga e lamatia ai le ola, soifua maloloina po o meatotino, ma, o nisi o tulaga, mo faataitaiga.
Ua saunia Faailo Telefoni Feaveai mo Faalavelave Faafuasei e fesoasoani e tausisia le saogalemu o tagata pe a tupu se faalavelave faafuasei. Faatoa lafo lava faailo pe a aliae ni tulaga e lamatia ai le ola, soifua maloloina po o meatotino, ma, o nisi o tulaga, mo faataitaiga.
Mo se faataitaiga, e ono faaaogā Faailo Telefoni Feaveai mo Faalavelave Faafuasei e lapatai ai oe i se lamatiaga matautia e pei o:
E lē faaaogāina Faailo Telefoni Feaveai mo Faalavelave Faafuasei mo faasalalauga faalauiloa po o le faalauiloa o se mea.
Na filifilia Faailo Telefoni Feaveai mo Faalavelave Faafuasei ona e faamoemoeina i taimi o tupu ai se faalavelave faafuasei. E maoti lava le faailo e faaaogā i Faailo Telefoni Feaveai mo Faalavelave Faafuasei. E lē aafia pe a pisi laina telefoni.
E lē pei o texts, e malupuipuia Faailo Telefoni Feaveai mo Faalavelave Faafuasei ma e lē moomia ni faamatalaga patino i tagata o le a lafo atu i ai.
E maua fua ma e faaaogā gofie Faailo Telefoni Feaveai mo Faalavelave Faafuasei — e lē moomia ona e faia se kopi o le app po o le lesitala e maua ai le auaunaga lea. E iai lo matou talitonuga o le tele o ituaiga telefoni fou o faatau atu e kamupani telefoni i Niu Sila o le a mafai ona maua ai Faailo Telefoni Feaveai mo Faalavelave Faafuasei.
Leai. E lē o iai se fuafuaga e suia e Faailo Telefoni Feaveai mo Faalavelave Faafuasei isi faailo mo faalavelave faafuasei, po o tulaga e moomia ai ona gaioi loa pe a vaaia lapataiga faalenatura. Leai. E lē o iai se fuafuaga e suia e Faailo Telefoni Feaveai mo Faalavelave Faafuasei isi faailo mo faalavelave faafuasei, po o tulaga e moomia ai ona gaioi loa pe a vaaia lapataiga faalenatura.
E tatau ona e sauni mo se faalavelave faafuasei, ma e lē tatau ona e faatali mo se lapataiga ona e faatoa gaioi lea. Aua e te faatali mo se lapataiga aloaia, pe afai e te iloa ua lamatia lou soifua. Ia vave ona e gaioi.Ia mautinoa o iai sau oe lava fuafuaga mo faalavelave faafuasei o aofia ai tulaga nei:
Leai. O le Faailo Telefoni Feaveai mo Faalavelave Faafuasei ua na o se faiga faatoa faaaogā lava e faasalalau ai feau. E lē faaaogāina e Faailo Telefoni Feaveai mo Faalavelave Faafuasei le numera o lau telefoni feaveai. E lē mafai lava e Faailo Telefoni Feaveai mo Faalavelave Faafuasei ona aoina faamatalaga e uiga ia te oe, o mea o faaaogā ai lau telefoni feaveai po o le nofoaga o e iai.
E tele mafuaaga o le lē maua atu o se feau Faailo Telefoni Feaveai mo Faalavelave Faafuasei. Talu ai le itu lea, matou te uunaia tagata uma ia tele auala eseese e mafai ai ona maua faamatalaga. E tele mafuaaga o le lē maua atu o se feau Faailo Telefoni Feaveai mo Faalavelave Faafuasei. Talu ai le itu lea, matou te uunaia tagata uma ia tele auala eseese e mafai ai ona maua faamatalaga.
Siaki pe mafai ona maua e lau telefoni Faailo Telefoni Feaveai mo Faalavelave Faafuasei ma ua toe faafou le polokalame o faagaioia ai.
O nisi o mafuaaga e lē maua ai e lau telefoni faailo ona o lena e:
Afai na sui lau telefoni mai le fesootaiga o le ituaiga 3G i le 4G i le taimi lava o faia ai faasalalauga, o lona uiga e te maua se faailo mai fesootaiga uma e lua. O le mea lava lea e tupu pe afai e te faaola ma tapē le flight mode. Po o le tapē o le telefoni ma toe faaola i le taimi lava o faia ai faasalalauga.
O nisi telefoni e maua ai le faiga e faaola ai le lafo atu o se faamanatu o se faailo. O le faiga lea e mafai ai ona faalausosoo le maua o faailo i le taimi lava o faia ai faasalalauga. Afai o ola le faiga e maua ai se faamanatu o se faailo, e mafai ona maua i le faatulagana Wireless Alerts/Broadcast Alerts/Emergency Alerts — soo se tasi o igoa nei e ono faaaogā.
Afai na e maua se Faailo Telefoni Feaveai mo Faalavelave Faafuasei, e ono mafai pea ona e toe faitau ai i lau telefoni.
E ui i le eseese o telefoni o le ituaiga android, e masani lava ona maua faailo mo faalavelave faafuasei i lau 'Messages' app. E ui i le eseese o telefoni o le ituaiga android, e masani lava ona maua faailo mo faalavelave faafuasei i lau 'Messages' app.
Mo se faataitaiga:
Mo i latou e faaaogā iPhone, e maua le faailo i au notifications. Tatala au notifications pe a e tago e salu mai luga faasolo i lalo le telefoni. Afai na e tapē esea au notifications, o lona uiga ua e tapē esea le faailo.
E faaaogā i Faailo Telefoni Feaveai mo Faalavelave Faafuasei se faatulagana faavaomalo. O le faiga e masani ona matou faaaogā i ala tau faasalalauga e ta'ua o le Presidential Alert i atunuu mamao.
Na matou galulue faatasi ma kamupani gaosi telefoni ma kamupani tau telefoni feaveai i Niu Sila e faaaogā le faaupuga Emergency Alert nai lo se isi faaupuga. Peitai, o nisi telefoni na gaosia i tua atu o le vaitaimi a o lei faia galuega nei, po o telefoni na faatau i atunuu mamao, o le a faaaogā ai le faatulagana faavaomalo ma o le a faaali ai le American Presidential Alert.
A e fia maua se Faailo Telefoni Feaveai mo Faalavelave Faafuasei e moomia lou faaaogā o se telefoni e mafai ona maua ai faailo. O se ituaiga telefoni e mafai foi ona fesootai i pou telefoni ma faaaogā ai ituaiga polokalame fou lata mai. E te lē moomia le fai o se kopi o le app i lau telefoni po o le lesitala mo le auaunaga lea.
Faamolemole tagai i le pepa o faamatala ai lau telefoni po o le talanoa i se sui o le kamupani o lau telefoni feaveai pe afai e te moomia se fesoasoani i le toe faafouga o lau telefoni.
E iai lo matou talitonuga o le tele o telefoni o faaaogā i Niu Sila e mafai ona maua ai faailo. Ma e iai foi lo matou talitonuga o le a tele atu telefoni o le a mafai ona maua ai le auaunaga lea.
Talu ai o Faailo Telefoni Feaveai mo Faalavelave Faafuasei e tausisia ai lou saogalemu, e lē mafai ona e taofia le maua atu o Faailo Telefoni Feaveai mo Faalavelave Faafuasei.
Matou te lē o fuafuaina faailo e patino lava telefoni e lafo i ai, peitai o se faasalalauga i totonu o se nofoaga ua aafia ma ono lamatia. O le mafuaaga tonu lava lea e lē mafai ai ona matou taofia faasalalauga e maua atu i lau telefoni. E lē faaaogāina e Faailo Telefoni Feaveai mo Faalavelave Faafuasei le numera o lau telefoni feaveai pe faamau faamatalaga e uiga ia te oe.
E mafai ona faailoa i lau telefoni isi auala e faaaogāina i isi atunuu, ae matou faaaogāina i totonu o Niu Sila se ala faasalalalu e ola faasoloatoa.
E lē suia e Faailo Telefoni Feaveai mo Faalavelave Faafuasei isi ituaiga faailo mo faalavelave faafuasei. E lē suia e Faailo Telefoni Feaveai mo Faalavelave Faafuasei isi ituaiga faailo mo faalavelave faafuasei.
O Faailo Telefoni Feaveai mo Faalavelave Faafuasei o se faiga faaopoopo e fesoasoani e tausisia le saogalemu o tagata i le tupu ai o se faalavelave faafuasei. E lē suia ai isi faiga e maua ai faailo po o gaioiga e tatau ona fai pe a maua ni lapataiga faalenatura.
E tatau pea ona nofo sauni mo se faalavelave faafuasei, ma e lē tatau ona e faatali mo se faailo ona e faatoa gaioi lea. Aua e te faatali mo se lapataiga aloaia, pe afai e te iloa ua lamatia lou soifua. Ia vave ona e gaioi.
Faaavanoa lou taimi e fai ai sau fuafuaga mo faalavelave faafuasei mo oe lava ma e aofia ai tulaga nei:
Faafesootai le tou Civil Defence Emergency Management Group e te iloa ai isi faiga o tuuina atu ai faailo i le nofoaga o e iai.
Leai, e lē mafai ona e lafoa se tali i se feau na lafo atu po o le faafesootai o auaunaga mo faalavelave faafuasei e auala atu i le faiga lea. A tupu se faalavelave faafuasei faamolemole vili le 111.
A fia faatau sau telefoni fou, vaai mo le faailoga Emergency Mobile Alert Identification Mark. E mafai foi ona e siaki le tulaga lea i le kamupani telefoni o e faaaogāina.
Siaki i le lisi o telefoni e mafai ona maua ai faailo.(external link)
E lē mafai ona maua i telefoni uma Faailo Telefoni Feaveai mo Faalavelave Faafuasei i le taimi lava lea. E iai lo matou talitonuga o le a tele telefoni e mafai ona maua ai Faailo Telefoni Feaveai mo Faalavelave Faafuasei. Siaki e te iloa ai pe o mafai ona maua i lau telefoni se Faailo Telefoni Feaveai mo Faalavelave Faafuasei.(external link)
E iai lo matou talitonuga o le a faatupulaia le tele o ituaiga telefoni e mafai ona maua ai Faailo Telefoni Feaveai mo Faalavelave Faafuasei. E iai lo matou talitonuga o le tele o ituaiga telefoni fou o faatau atu e kamupani telefoni i Niu Sila o le a mafai ona maua ai Faailo Telefoni Feaveai mo Faalavelave Faafuasei.
Leai. E faaaogā e Faailo Telefoni Feaveai mo Faalavelave Faafuasei fesootaiga tau telefoni feaveai i Niu Sila. Na o telefoni feaveai e mafai ona maua ai faailo e mafai ona maua faasalalauga.
E tatau ona mafai ona maua Faailo Telefoni Feaveai mo Faalavelave Faafuasei i nofoaga o maua ai pou faasalalau. Pe ā ma le 97% o nofoaga o lo o nofoia e tagata e maua ai pou faasalalau. E taumafai auaunaga mo telefoni feaveai e faaleleia le maua o fesootaiga i telefoni feaveai i taimi uma.
Faamata e lē mafai ona maua se Faailo Telefoni Feaveai mo Faalavelave Faafuasei pe afai ua faaleagaina pou faasalalau po o le motusia o le eletise? Ona o le itu lea, e tatau foi ona e faamoemoe i isi auala e maua atu ai faamatalaga.
O Faailo Telefoni Feaveai mo Faalavelave Faafuasei ua na o se tasi o auala e maua atu ai faamatalaga i lamatiaga matautia. Ia mautinoa ua iai sau fuafuaga mo faalavelave faafuasei ma e iloa nofoaga e maua atu ai nisi faamatalaga a o tupu ai se faalavelave faafuasei.
E tatau ona faatu le taavale ma siaki le feau na lafo atu pe a o saogalemu ona e faia lea tulaga. Afai o iai sau pasese, fai i ai e faitau atu loa se faailo na lafo atu. Aua e te taumafai e faitau le faailo ma ave le taavale.
E maua fua Faailo Telefoni Feaveai mo Faalavelave Faafuasei. E leai se tupe e faaalu ai. E te lē moomia le fai o se kopi o le app i lau telefoni po o le lesitala mo le auaunaga lea.
Leai. E lē tatau ona taugata atu ituaiga telefoni e mafai ona maua ai Faailo Telefoni Feaveai mo Faalavelave Faafuasei ona o le maua ai o le faiga lea.
I le taimi nei na o le Gagana Peretania e faasalalau ai Faailo Telefoni Feaveai mo Faalavelave Faafuasei.
O le mafai ona maua o Faailo Telefoni Feaveai mo Faalavelave Faafuasei o se tulaga e faalagolago i le ituaiga ma le fausaga o lau telefoni feaveai.
Leai. E faaaogā pou telefoni e faagaioia ai Faailo Telefoni Feaveai mo Faalavelave Faafuasei ma e le faasalalauina i telefoni e faaaogā ai le Wi-fi calling e aunoa ma se malosiaga e mafai ai ona faaaogā telefoni feaveai.
Leai. I le taimi nei na o fesootaiga tau initaneti e mafai ona saunia e le Starlink, e le faaaogā ai se malosiaga e faaaogā ai telefoni feaveai. O la matou iloa i le tulaga lea o lo o taumafai le Starlink e faaaogā se satelite e fesootai atu ai i telefoni feaveai. E i ai le isi satelite (Lynk World) o lo o saunia le auaunaga lea.
O fesootaiga mai le satelite i le initaneti e mafai ona maua ai Faailo Telefoni Feaveai mo Faalavelave Faafuasei e auala atu i polokalame e faagaioia e le initaneti e pei o le Red Cross Hazard App.
E lei faatulagaina se vaitaimi tonu mo se isi faataitaiga i le atunuu atoa o Faailo Telefoni Feaveai mo Faalavelave Faafuasei.
Na faia se faataitaiga i le atunuu atoa i le Aso Sa 28 Me 2023.
E moomia le faia o faataitaiga e mautinoa lelei ai o lo o aogā le faiga o faia ai Faailo Telefoni Feaveai mo Faalavelave Faafuasei.
O Faailo Telefoni Feaveai mo Faalavelave Faafuasei o se faasalalauga e patino lava pou telefoni e fesootai ma telefoni e mafai ona maua ai. E iai lo matou talitonuga pe ā ma le fa miliona telefoni e mafai ona maua le faailo.
O faataitaiga nei na mafai ai ona matou siaki le faiga o lo o faaaogā ai, pou faasalalau ma faiga e gafatia ai ona maua e lau telefoni le faailo.
Afai e te lē manao e faalavelave atu, faamolemole tapē lau telefoni po o le faaola o le Flight Mode i le taimi lava o lo o faia ai faataitaiga.
E moomia ona maua i lau telefoni se fesootaiga tau telefoni feaveai o lo o ola. E te lē maua se Faailo Telefoni Feaveai mo Faalavelave Faafuasei pe afai ua tapē lau telefoni po o le faaola o le Flight Mode.
E ono soloia e le Faailo Telefoni Feaveai mo Faalavelave Faafuasei le faiga o lo o faaola ai le Do Not Disturb ma le Silent Modes.