Emergency Mobile Alert

Alamin ang tungkol sa Emergency Mobile Alert. Ang mga Emergency Mobile Alert ay pinapanatiling ligtas ang mga tao. Ang mga alert ay ibinobrodkast sa lahat ng mga capable phone (may kakayahang telepono) mula sa tinarget na mga cell tower.

Paano makakakuha ng Emergency Mobile Alert

Upang makakuha ng mga Emergency Mobile Alert, kailangan mo ng isang teleponong may kakayahang tumanggap ng mga ito. Kailangan ding ang telepono ay may cell reception at up-to-date na software. Hindi mo kailangang mag-download ng app o mag-subscribe sa isang serbisyo.

1. Tingnan kung ang iyong telepono ay nasa listahan ng mga capable phone.(external link) 
2. Mag-update ng operating system software ng iyong telepono.

Mangyaring sumangguni sa manwal ng iyong telepono o makipag-usap sa iyong mobile operator kung kailangan mo ng tulong sa pag-update ng iyong telepono.

Maaari ba akong mag-opt out (umurong) sa Emergency Mobile Alert?

Dahil ang Emergency Mobile Alert ay tungkol sa pagpapanatili ng iyong kaligtasan, hindi mo makakansela ang pagtanggap ng mga Emergency Mobile Alert.

Hindi namin tinatarget ang mga partikular na telepono, sa halip, kami ay nagbobrodkast sa isang tinarget na pook na nasa panganib. Dahil dito, hindi namin maaaring ipuwera ang iyong partikular na telepono.

Ang iyong telepono ay maaaring magpakita ng mga opsyonal na setting na gamit sa ibang bansa, ngunit sa New Zealand, ginagamit namin ang espesyal na broadcast channel na permanenteng bukas.