Talanoa fekau‘aki mo e ngaahi uesiá
‘E lava ke tokoni ‘a ho‘omou mahino‘i ‘a e ngaahi uesia ‘o ha fakatamaki fakatu‘upakeé ke mou haofaki atu aí. Talanoa mo kinautolu ‘i homou ‘apí pea mou fakakaukau‘i ‘a e me‘a te mou fakahoko ‘i he ngaahi tūkunga ko ‘ení.
‘I he peesi ko ‘ení
‘Ikai lava ke mavahe mei ‘api
Ko e nofo ‘i ‘apí ‘e ala ‘uhinga ia ‘e mate ‘a e ‘uhilá mo e vaí pe ko ha ‘ikai ha founga ke ma‘u mai ai ha ngaahi fakatau ‘i ha ‘aho ‘e tolu pe lahi ange.
‘Oku fe‘unga nai ho‘omou me‘atokoní mo e vai? Fēfē ‘a kinautolu ‘oku nau fiema‘u ha faito‘o? ‘Oku ‘i ai ha me‘atokoni mo ha vai fe‘unga ke haofaki atu ai mo e fanga monumanu lalata?
‘Ikai lava ‘o a‘u ki ‘api
‘I ha fakatamaki fakatu‘upakē, ‘e ala ‘ikai lava ke lele ‘a e ngaahi founga fefononga‘aki fakatokolahí, pea ‘e ala tāpuni ‘a e ngaahi halá mo e ngaahi feitu‘u kaungā‘apí.
Kapau ‘oku ‘ikai lava ke ke ‘alu atu ‘i ho hala angamahení, ‘e anga fēfē ha‘o a‘u ki ai? Ko hai te mo ō? Te mou fetaulaki ki fē kapau ‘oku tāpuni homou hala?
Ko ha pau ke fetukutuku
‘E ‘i ai ha ngaahi ‘api, hala mo ha ngaahi tūkui kaungā‘api ‘e ala ‘ikai malu ke kei fai ha nofo atu ai pea ‘e ala fiema‘u ke mou mavahe fakavavevave mei ‘api.
Kapau ‘e fetukutuku homou hala, te mou ō ki fē? Ko e hā ‘a e me‘a te mou ō mo ia? Fefe ‘a e fanga monumanu lalata? ‘Oku fiema‘u nai ‘e homou kaungā‘apí ho‘o tokoni?
Mate ‘a e ‘uhilá
Ko e hā te ke fai kapau ‘e mate ‘a e ‘uhilá ‘i ha ngaahi laui ‘aho? ‘E anga fēfē ha‘amou lava ‘o sio, feime‘atokoni, fakamāfana?
‘E lava ke uesia ‘e he mate ‘a e ‘uhilá ‘a e EFTPOS mo e ngaahi mīsini ATM. Tauhi ha pa‘anga pepa ‘i ‘api, pe ko ha nāunau pe ngaahi me‘a fe‘unga ke mou mo‘ui ai ‘i ha ‘aho ‘e tolu pe lahi ange ai.
‘Ikai ha vai
Fakakaukauloto atu ki ha ‘ikai ‘i ai ha vai ‘i ha ‘aho ‘e tolu pe lahi ange ai. ‘E anga fēfē ha‘amou kaukau, feime‘atokoni, fakama‘a ‘api? Ko e hā te mou inu?
‘E lava ke uesia ‘a e ngaahi ma‘u‘anga vaí ‘i ha fakatamaki fakatu‘upakē. Tuku tauhi ha vai ke fe‘unga ki ha ‘aho ‘e tolu pe lahi ange ai.
‘Ikai ha telefoni pe ‘initaneti
Ko e hā te ke fai kapau ‘e maumau ‘a e laine telefoní mo e ‘initaneti? ‘E anga fēfē ha‘amou tauhi ‘a e fetu‘utakí, alea‘i ha fetaulaki pe tauhi ke ma‘u atu ‘a e ngaahi ongoongó mo e fakamatala ‘ea?
‘I he ngaahi fakatamaki fakatu‘upakeé, ko e lelei tahá ke mou nofo pē ‘i ‘api. ‘Ai ho ‘apí ke hoko ko e feitu‘u fakataha‘angá ia pea fokotu‘u ha feitu‘u kehe telia na‘a ‘ikai ke mou lava ‘o a‘u ki ai.