Faataitaiga i le atunuu atoa o Faailo Telefoni Feaveai mo Faalavelave Faafuasei
O faataitaiga i le atunuu atoa o Faailo Telefoni Feaveai mo Faalavelave Faafuasei o se faiga e moomia ona fai ina ia mautinoa ai o aogā le faiga o lo o faaaogā. Saili i iuga ma faamatalaga e uiga i faataitaiga i le atunuu atoa.
Aisea matou te faataitaia ai le aogā o Faailo Telefoni Feaveai mo Faalavelave Faafuasei
O faataitaiga i le atunuu atoa o se faiga e moomia ona fai e mautinoa ai o aogā le faiga o faaaogā ai le Faailo Telefoni Feaveai mo Faalavelave Faafuasei.
O faataitaiga i le atunuu atoa e lafo i pou faasalalau uma i Niu Sila atoa. E iai lo matou talitonuga o le a tele telefoni o le a mafai ona maua ai le faailo.
I le 2017, 2018 ma le 2019 na matou maua ai le faitau afe o manatu na faaalia e tagata. Na aogā manatu nei e faaleleia ai le faiga o faaaogā ai le Faailo Telefoni Feaveai mo Faalavelave Faafuasei.
O le taimi pito lata mai na faia ai faataitaiga i le atunuu atoa, o le afiafi o le aso 24 Novema 2019. E tusa ai ma le pepesi o le faama'i o le COVID-19 i le lalolagi atoa, na taofia le faataitaiga i le atunuu atoa na fuafuaina i le 2020 ma le 2021 e faataitai ai le Faailo Telefoni Feaveai mo Faalavelave Faafuasei.
Lesitala e maua ai imeli i faataitaiga i le atunuu atoa o sauni atu i ai mo le Faailo Telefoni Feaveai mo Faalavelave Faafuasei. O le a e maua se imeli e faailoa atu ai le aso ua atofaina mo faataitaiga.
Iuga suesuega tutoatasi o faataitaiga i le atunuu atoa
I le mae'a ai o le faataitaiga i le atunuu atoa na faia i le 2018, na faatonuina ai e le Ministry of Civil Defence & Emergency Management le faia o se suesuega tutoatasi.
O lea suesuega na faia ai faatalatalanoaga ma tagata i Niu Sila e to'a 1000 e faaaogā telefoni feaveai e faasolo mai le 15 tausaga le matutua ma luga atu. Na sosoo le faatinoga o le suesuega lenei i le mae'a ai o le faataitaiga i le atunuu atoa na faia i le 2018 na faasolo mai le va o le aso 26 Novema ma le aso 9 Tesema 2018. Na faia foi le isi suesuega i le mae'a ai o le faataitaiga i le atunuu atoa i le 2019 o le Faailo Telefoni Feaveai mo Faalavelave Faafuasei.
E tele itu na silasila i ai i le suesuega lenei.
- O le toatele o le faitau aofai o tagata na maua le faailo faataitai
- O le malamalama i le faiga e faaaogā ai le Faailo Telefoni Feaveai mo Faalavelave Faafuasei a o lei faataunuu le faataitaiga
- O le iloa a o lei faataunuu se faataitaiga i le atunuu atoa
- O manatu lautele i le faiga o faaaogā ai le Faailo Telefoni Feaveai mo Faalavelave Faafuasei
- Faamata e iai se talitonuga i le mamalu o le atunuu o se faiga e lē tatau ona faamalosia
- O suiga na faia talu ona faavae le faiga o Faailo Telefoni Feaveai mo Faalavelave Faafuasei ma le faailo faataitai i le 2017.
Silasila i iuga o suesuega mai faataitaiga na faia i le atunuu atoa i le 2018 ma le 2019 o Faailo Telefoni Feaveai mo Faalavelave Faafuasei i le Gagana Peretania.