E mafai ona tutupu ni faalavelave faafuasei i soo se taimi, e aofia ai itula faigaluega. E lē mafai ona e valoia le taimi e tupu ai, ae e iai mea e mafai ona e faia e mautinoa ai o lava sauni lau pisinisi.

Faailoa lamatiaga i lau pisinisi ma le aufaigaluega

Saili po o ā lamatiaga ma e faapefea ona aafia ai lau pisinisi. O lamatiaga e aofia ai lamatiaga faalenatura, o se ma'i faafuasei ma le motusia o auaunaga tau fesootaiga, eletise ma le suavai.

Afai e iai sau aufaigaluega, talanoa i ai i lamatiaga latou te manatu e pito talafeagai i lau pisinisi.

Business.govt.nz logo

O le tausisia o le soifua maloloina lelei ma le saogalemu o tagata uma o tulaga e lē tau moomia ai le faatau o lavalava taugata ma le tele o pepa e tau faatumu. O lona uiga e lē tatau ona e nofonofoa'i ma ia e faamaopoopo tagata uma e galulue faatasi.

Fai se fuafuaga mo faalavelave faafuasei mo lau pisinisi

O le matafaioi a pisinisi le nofo sauni mo se faalavelave faafuasei. O le tele o tulaga e lē mafai ona tatou valoia le taimi e tupu ai se faalavelave faafuasei. Ae e mafai ona tatou tapena se fuafuaga ina ia mautinoa le saogalemu o le aufaigaluega, tuuitiitia tupe faaalu ma mea e patino i le tagata e ono maimau ma e mafai ona toe faaauau auaunaga i se taimi vave e mafai ai.

E tatau ona aofia i au fuafuaga vaega o ta'ua i lalo.

  • Faagasologa e faavae i ai gaioiga mo faalavelave faafuasei e pei o afi, mafuie, galulolo ma isi tulaga lamatia.
  • O nofoaga e faatasitasi ai, tagata e faatonutonu le ō ese ai mai le fale, ma aoaoga mo le first aid.
  • Auala e faafesootai ai le aufaigaluega, kamupani o saunia oloa, tagata o faaaogāina auaunaga ma kamupani inisiua.
  • O isi faatulagana pe afai ua lē mafai ona e ulufale i lau falefaigaluega, ma ua lē mafai ona maua faila o faamaumauga ma isi.

Talanoa i lau aufaigaluega e iai manaoga faapitoa. Fesili po o ā fesoasoani latou te ono moomia pe a tupu se faalavelave faafuasei. Mafaufau foi i tulaga e ono moomia ai fesoasoani e nisi e asiasi atu e iai manaoga faapitoa.

Business.govt.nz logo

Faaaogā le taiala lenei e te iloa ai mea e faaaofia i au fuafuaga mo faalavelave faafuasei mai le business.govt.nz.

Aua e te tamoe i fafo a o lūlū se mafuie

E faaosofia le fefe i le nofo ai i totonu o se fale i le uma ai o se mafuie, ae e sili atu ona saogalemu totonu nai lo le alu i fafo.

A talafeagai loa ona e tuua le fale, ave lau ato tupe, se ofu talaloa, ato, ma le ato e te alu ese ma ave. E sili atu ona e lamatia gofie pe afai e te alu ae lē avea mea nei. E pito sili ona saogalemu le faatasitasi i se nofoaga e taalaelae e leai ni fale maualuluga po o ni uaea eletise o lata ane.

Man doing Drop, Cover and Hold under his office desk

Vaai lau aufaigaluega

O lou tulaga o oe o le pule o le galuega, le vaai o lau aufaigaluega, e aofia ai lou tausi i ai i le taimi o tupu ai ma le uma ai o ni faalavelave faafuasei.

Amata mai i le faaaofia o lau aufaigaluega i le faailoaina o lamatiaga ma le faia o se fuafuaga i taimi o faalavelave faafuasei. Talanoa i ai po o ā ni mea o latou moomia, faapea o latou aiga, ina ia gafataulimaina ai se faalavelave faafuasei.

Ia mautinoa o fai se fuafuaga mo faalavelave faafuasei e patino mo lau aufaigaluega latou te iloa ai le tagata e faafesootai i le galuega ma fai sau fuafuaga pe faapefea ona saogalemu le toe foi ai i le fale.

Saili i fautuaga o tusia i le Gagana Peretania mo le vaaiga o le aufaigaluega i le mae'a ai o se faalavelave faafuasei.

Faailoa i le aufaigaluega e faatumu le fuafuaga e patino i le tagata mo faalavelave faafuasei i le falefaigaluega mo se faalavelave faafuasei e tupu i taimi o itula faigaluega.

Saunia mea e moomia mo lau aufaigaluega

I le tupu ai o se faalavelave faafuasei, e ono lē mafai ona tuua le galuega po o le lē mafai ona saofia i le fale mo se aso pe sili atu.

Ia mautinoa o lava mea o moomia mo tagata uma o i totonu o le falefaigaluega mo aso e tolu. E tatau ona aofia ai foi ma tagata asiasi atu.

  • Fale ua faaleagaina

    E ono moomia lou faia o ufi fofoga mo le pefu (ituaiga faamauina o le P2 po o le N95), totinilima e faaaogā i le galuega, pulou malō po o meafaigaluega e pei o sipā ma samala.

    E lē mafai e le aufaigaluega ona tuua le falefaigaluega

    E moomia ona e saunia meaai ma le vai (pe ā ma le tasi lita mo le tagata toatasi) mo aso e tolu pe sili atu, mea e faaaogā mo palapala masina, ma isi.

    E lē mafai e le aufaigaluega ona faaaogā auala masani e alu ai i le fale

    Uunaia le aufaigaluega e teu i le ato e alu ese ma ave mea o moomia ina ne'i moomia ona savali i le fale po o le nofoaga e faatasitasi ai. Ia mautinoa ua faia se latou fuafuaga mo tagata o lo o latou nonofo faatasi i le aiga.

    Ua matuā faamanu'alia tagata

    E ono moomia lou vaai lelei o tagata ua matuā faamanu'alia seia maua atu le fesoasoani. Ia mautinoa o iai ni au palanikeke, fata e sii ai tagata ua lavevea, ma ua atoa mea uma o se first aid kit, ma isi.

Atiae sootaga

Auai i meafai faatasi ma isi pisinisi tau lotoifale. Faamasani i le vaega o lo o galulue i le tou lotoifale e pei o le Chamber of Commerce, matātā eseese, pisinisi tou te tuaoi, kamupani faatautavā ma kamupani e saunia oloa. Talanoa i ai ia latou fuafuaga mo faalavelave faafuasei ma fuafuaga e toe faaauau ai pisinisi. I le tupu ai o se faalavelave faafuasei, e ono mafai ona e fesoasoani i isi ia mafai ona toe gafatia ona faaauau galuega ma faatino auaunaga i se taimi vave.

Three workmates filling out their personal workplace emergency plans

Fai fuafuaga mo mea e faafuasei ona tutupu

Atiae se fuafuaga mo mea e faafuasei ona tutupu mo lau pisinisi atoa. E tatau ona aofia ai le aufaigaluega, faamatalaga, aseta, tagata o faaaogāina auaunaga, kamupani e saunia oloa ma auala o lo o faasoasoa atu ai oloa.

  • Faailoa manaoga autu o lau pisinisi, ma auala e te puleaina ai pe a tupu se faalavelave faafuasei.
  • Fai se kopi o au faamaumauga.
  • Ia iloa auala e faafesootai ai lau aufaigaluega ma kamupani o saunia oloa.
  • Faataitai po o aogā faiga o faaleoleo ai kopi o faamaumauga.

Mulimulitai i le lisi o gaioiga e fai ua saunia e le Shut Happens o lo o tusia i le Gagana Peretania e saunia ai se fuafuaga mo faalavelave e ono tutupu mo lau pisinisi.

Business.govt.nz logo

Fuafuaina mo le faaauauina mo le ono tupu ai o soo se ituaiga faalavelave uma. Faaaogā le taiala i le business.govt.nz step-by-step guide e faatulaga ai le faia o sau fuafuaga. E tāua le faatumauina o le ola o lau pisinisi.

Fai se fuafuaga mo lau faatoaga po o lafumanu

E moomia e tagata o nonofo mamao mai le taulaga, pisinisi ma tagata taitoatasi ona fetuutuunai ma atiae le malosi e gafatia ai faalavelave faafuasei.

O lau matafaioi au meaola. E moomia ona e faaaofia meaola i lau fuafuaga ma au tapenaga mo faalavelave faafuasei. Ua e tuua le ola o meaola ma le soifua o tagata i se tulaga lamatia pe afai e lē o aofia i au tapenaga.

Ministry for Primary Industries logo

E saunia e le Ministry for Primary Industries (MPI) fautuaga mo le saunia o se fuafuaga mo au meaola. E aofia ai se lisi o ituaiga meaola eseese ma faalavelave faafuasei eseese. Tagai lelei i le lisi lea e saunia ai lau fuafuaga.