Faailo Telefoni Feaveai mo Faalavelave Faafuasei

Saili i faamatalaga o Faailo Telefoni Feaveai mo Faalavelave Faafuasei. E aogā Faailo Telefoni Feaveai mo Faalavelave Faafuasei e tausisia ai le saogalemu o tagata. E patino lava pou telefoni e faasalalau ai faailo i telefoni uma e mafai ona maua ai.

Auala e maua ai le Faailo Telefoni Feaveai mo Faalavelave Faafuasei

A fia maua le Faailo Telefoni Feaveai mo Faalavelave Faafuasei, e moomia le fai o sau telefoni e mafai ona maua ai. O se ituaiga telefoni e mafai foi ona fesootai i pou telefoni ma faaaogā ai ituaiga polokalame fou lata mai. E te lē moomia le fai o se kopi o le app i lau telefoni po o le lesitala mo le auaunaga lea.

1. Siaki pe o aofia lau telefoni i le lisi o telefoni e mafai ona maua ai faailo.(external link)
2. Toe faafou polokalame o faagaioia ai lau telefoni.(external link)

Faamolemole tagai i le pepa o faamatala ai lau telefoni po o le talanoa i se sui o le kamupani o lau telefoni feaveai pe afai e te moomia se fesoasoani i le toe faafouga o lau telefoni.

Pe mafai ona ou taofia le maua o Faailo Telefoni Feaveai mo Faalavelave Faafuasei?

O le auga tonu o Faailo Telefoni Feaveai mo Faalavelave Faafuasei o lou saogalemu, ma e lē mafai ona e taofia le mauaina o Faailo Telefoni Feaveai mo Faalavelave Faafuasei.

Matou te lē o fuafuaina faailo e patino lava telefoni e lafo i ai, peitai o se faasalalauga i totonu o se nofoaga ua aafia ma ono lamatia. O le mafuaaga tonu lava lea, e lē mafai ai ona matou taofia faasalalauga e maua atu i lau telefoni.

E mafai ona maua i lau telefoni isi auala e faaaogāina i isi atunuu, ae matou te faaaogāina i totonu o Niu Sila se ala faasalalalu e ola faasoloatoa.