‘Ahi‘ahi‘i fakafonua ‘o e Emergency Mobile Alert

Ko hono ‘ahi‘ahi‘i fakafonua ‘o e Emergency Mobile Alert ko ha konga mahu‘inga ia ‘o hono fakapapau‘i ‘oku ngāue lelei ‘a e fa‘unga ngāué. Kumi ha ngaahi ola mo ha fakamatala fekau‘aki mo e ngaahi ‘ahi‘ahi fakafonuá.

Ko e ‘uhinga ‘oku mau ‘ahi‘ahi‘i ai ‘a e Emergency Mobile Alert

Ko e ‘ahi‘ahi‘i fakafonuá ko ha konga mahu‘inga ia ‘o hono fakapapau‘i ‘oku ngāue lelei ‘a e fa‘unga ‘o e Emergency Mobile Alert.

‘Oku tuku atu ‘a e ngaahi ‘ahi‘ahi fakafonuá ki he ngaahi taua telefoni to‘oto‘o ‘i Nu‘u Silá kotoa. ‘Oku mau ‘amanaki ko e lahi taha ‘o e ngaahi telefoní ‘oku nau malava ‘o ma‘u atu ‘a e fakatokangá.

‘I he ta‘u ‘e ono kuo hilí, ne mau ma‘u ai ha ngaahi fakakaukau ‘e lauiafe ne fakahū mai meí he kakaí. Na‘e tokoni ‘eni kiate kimautolu ke fakalelei‘i ai ‘a e fa‘unga ngāue ki he Emergency Mobile Alert.

Ko e ‘ahi‘ahi fakamuimui tahá na‘e fakahoko ia ‘i he efiafi ‘o e ‘aho 28 ‘o Mē 2023. Koe‘uhí ko e to‘umahaki fakamāmani lahi ‘o e COVID-19, na‘e kaniseli ai ‘a e ‘ahi‘ahi fakafonua ‘o e Emergency Mobile Alert ‘i he 2020 mo e 2021. 

Ngaahi ola ‘o ha ngaahi savea tu‘u tau‘atāina na‘e fakahoko kau ki he ‘ahi‘ahi fakafonuá

Hili fakatou‘osi ‘o e ‘ahi‘ahi fakafonua ‘i he 2018 mo e 2019, na‘e tu‘utu‘uni ai ‘e he Ministry of Civil Defence & Emergency Management ke fakahoko ha savea tau‘atāina.

Naʻe sio ʻa e saveá ki he:

• tuʻunga ‘o e tokolahi ʻo e kakai naʻa nau maʻu ʻa e fakatokanga ‘ahi‘ahí,
• ‘uluaki ʻiloʻi ia kimuʻá, mo e
• ngaahi fakakaukau ʻa e kakaí.

Hili ‘a e ‘ahi‘ahi ‘i he ta‘u 2021 mo e 2022, na‘e fakakau ai ‘e he NEMA ha ngaahi fehu‘i ‘i he savea Annual Disaster Preparedness (Savea Fakata‘u ki he Tu‘unga Mateuteu ki ha Fakatamakí) ke ne fua ‘a e ola lelei ‘o hono ‘ahi‘ahi‘i ‘o e Emergency Mobile Alert.

Talu meí he savea ‘o e 2018, kuo fakalakalaka ki mu‘a ‘a e ngaahi me‘afua tefitó ‘i he ta‘u takitaha.

‘I he 2022, na‘e lēkooti ai ‘e he saveá: 

• ‘A e fika lahi taha ‘o e ngaahi fakatokanga na‘e ma‘u ‘e he kakaí (83%).
• Meí he 12% ‘o kinautolu na‘e ‘ikai ke nau ma‘u atu ‘a e fakatokanga ‘ahi‘ahí, ko e 27% ai na‘a nau ofi atu ki ha tokotaha na‘á ne ma‘u atu ‘a e fakatokanga ‘ahi‘ahí.

Na‘e hā ‘i he Savea Fakata‘u ‘o e 2021 ki he Mateuteu ki ha Fakatamakí ko e toko hiva meí he kakai ‘e toko hongofulu na‘a nau ma‘u atu ‘a e fakatokanga ‘ahi‘ahí pe na‘a nau ‘i ai mo ha tokotaha na‘á ne ma‘u atu ‘a e fakatokanga ‘ahi‘ahí.

‘I he 2019 naʻe fakahaaʻi mai ʻe he saveá:

• ko hono ‘uluaki ʻiloʻi kimu‘a ʻo e polokalama Emergency Mobile Alert pea toki fakahoko ‘a e ‘ahi‘ahí ko e 75%.
• Ko e 80% na‘a nau tui ko e Emergency Mobile Alert ko ha founga lelei ia ʻo e fakatokanga ki he kakai Nuʻu Silá ni ʻi ha meʻa fakatuʻupakē.
• ko e 82% na‘a nau tui ʻoku ʻikai totonu ke lava ʻe he kakaí ʻo taʻofi (opt-out) ‘a ‘enau ma‘u atu ‘a e fakatokangá.