He āhuatanga waiwai te whakamātau ā-motu i te pūnaha Matohi Waea Pūkoro Ohotata o te whakarite e pai ana te mahi a te pūnaha. Rapua ngā hua, te mōhiohio hoki mō ngā whakamātau ā-motu.

Te take ka whakamātau mātou i te Matohi Waea Pūkoro Ohotata

Ko te whakamātau ā-motu ko tētahi wāhanga o te whakarite he pai te mahi a te pūnaha Matohi Waea Pūkoro Ohotata.

Ka tukuna te whakamātau ā-motu ki ngā pourewa waea pūkoro puta noa i Aotearoa. Ki ō mātou whakaaro e āhei ana te nuinga o ngā waea ki te whiwhi i te matohi.

I te tau 2017, i te tau 2018, i te tau 2019 i whiwhi mātou i ngā tini mano tāpaetanga whakahoki kōrero i ngā tāngata. He mea āwhina tēnei i a mātou ki te whakapai ake i te pūnaha Matohi Waea Pūkoro Ohotata.

I tū te whakamātau ā-motu tino hou i te ahiahi pō o te 24 o Noema i te tau 2019. Hei whai whakaarotanga ki te urutā KOWHEORI-19, i whakakorea ngā whakamātau ā-motu i te tau 2020, i te tau 2021 hoki mō te Matohi Waea Pūkoro Ohotata.

Emergency Mobile Alert logo

Tukuna mai he whakahoki kōrero mō te Matohi Waea Pūkoro Ohotata. Ka whakamahia ngā mōhiohio ka kohia ki tēnei uiuinga hei whakapai tonu i te pae whakaaraara.

Phone receiving an Emergency Mobile Alert

Ohaurutia kia whiwhi i ngā īmēra mō ngā whakamātau ā-motu e haere ake nei o ngā Matohi Waea Pūkoro Ohotata. Ka whiwhi koe i tētahi īmēra ina whakatauria te rā mō te whakamātau.

Ngā hua uiui motuhake o te whakamātau ā-motu

I muri i te whakamātau ā-motu i te tau 2018, nā te Te Rākau Whakamarumaru me Te Whakahaere Ohotata i utu i tētahi uiui motuhake.

I whakahaeretia te uiui nā te uiui i te 1000 kaiwhakamahi waea pūkoro o Aotearoa 15 te pakeke, neke atu rānei. I whakahaeretia te uiui i muri tata tonu i te whakamātau ā-motu i te tau 2018 i waenganui i te 26 o Noema ki te 9 o Tīhema i te tau 2018.

I whakahaerehia hoki tētahi uiui whai muri i te whakamātau ā-motu o te Matohi Waea Pūkoro Ohotata i te tau 2019.

I tirohia e te uiui ngā tini āhuatanga.

  • Te pānga riterite o te taupori i whiwhi i te matohi whakamātau
  • Te mōhiotanga o mua o te pūnaha Matohi Waea Pūkoro Ohotata
  • Te mātauranga o mua ka tū mai te whakamātau ā-motu
  • Ngā whakaaro o te marea ki te pūnaha Matohi Waea Pūkoro Ohotata
  • Mēnā rānei e whakapono ana te iwi tūmatanui me noho te pūnaha hei mea kōwhiri
  • Ngā panoni mai i te whakarewatanga o te pūnaha Matohi Waea Pūkoro Ohotata, o te whakamātau matohi i te tau 2017 hoki

Kitea ngā putanga uiui mai i ngā whakamātau ā-motu i te tau 2018, i te tau 2019 hoki mō te Matohi Waea Pūkoro Ohotata ki te reo Pākehā.

Matohi Waea Pūkoro Ohotata

Rapua ētahi atu mōhiohio e pā ana ki te Matohi Waea Pūkoro Ohotata. Mā ngā Matohi Waea Pūkoro Ohotata e haumaru ai te hunga. Ka pāhotia ngā matohi ki ngā waea e āhei ana mai i ētahi pourewa waea pūkoro.