Tē mōhiotia āhea, ki hea rānei te ohotata. Kia takatū. Kia mataara.

Me Takatū

Ina pā tētahi ohotata, ka pukumahi ngā ratonga o Te Rākau Whakamarumaru me ngā ratonga ohotata e āwhina ana i ngā tāngata e tino hiahia ana ki a rātou.

A house

Whakaritea tō kāinga

Kei a koe anō te whakarite kia mōhio tō whānau rātou ko ngā tāngata e kaingākautia ana e koe me aha rātou.
Construction worker talking to two people

Whakaritea tō wāhi mahi

He aronga pai mō te pakihi te whakarite mō ngā ohotata. He mea āwhina tēnei kia haumaru koutou ko ō kaimahi, ā, kia iti tonu te wā kāore e mahi ana.
School with a swing set in front

Whakaritea tō kura

He mahi nui tā ngā kura kia whakahaumaru i te hapori. Me mōhio ki ngā takohanga a tō kura hei te ohotata, ā, rapua ngā rauemi whakaako.

Ngā momo matepā

He maha ngā matepā māori kei Aotearoa. Akohia me aha ā mua, ā roto, ā muri hoki i ia momo ohotata.

Seismograph lines

Ngā rū whenua

A house with flood waters in front

Ngā waipuke

Rocks sliding down a hill

Ngā horo whenua

Lightning striking from a storm cloud

Ngā āwhā

A tsunami wave

Ngā ngaru taitoko

A volcano erupting

Ngā hūnga

He tāne e tiro ana ki te whārangi Whakaritea he Mahere ki getready.govt.nz

Whakaritea he mahere

Ka pā mai ngā ohotata ahakoa āhea, ahakoa kei hea, ā, he nui te wā kāore he whakatūpato. He mea nui kia whakaritea ngā mahere ohotata kia mōhio ai koe me aha koe hei te pānga mai o tētahi ohotata.
Whakaritea he mahere mō tō kāinga, mō tō wāhi mahi, mō tō kura, mō tō marae, mō tō hapori rānei.

Whakaritea ō mahere ohotata
Ētahi ākonga kura tuatahi e whakamahi ana i te Pāheke, Hīpoki me Pupuri

Pāheke, Hīpoki me Pupuri

Ko Pāheke, Hīpoki me Pupuri te mahi tika kia whakamahia e koe i te pānga mai o te rū whenua. Mā konei e ārai te tukituki, e iti iho koe hei keo, e whakahaumarutia tō upoko, tō kakī, ō whēkau waiwai hoki.

Akohia te āhua o te Pāheke, Hīpoki me Pupuri
He wahine pakiwaitara e whiwhi ana i tētahi Matohi Waea Pūkoro Ohotata ki te taha o tētahi kurī e rere ana

Matohi Waea Pūkoro Ohotata

Ko ngā Matohi Waea Pūkoro Ohotata ko ngā karere mō ngā ohotata ka tukuna e ngā pokapū ohotata whaimana ki ngā waea pūkoro e āhei ana. Kua hoahoatia ēnei hei whakahaumaru i ngā tāngata, ā, ka pāhotia ki ngā waea e āhei ana mai i ētahi pourewa waea pūkoro heipū.

Akohia e pā ana ki te Matohi Waea Pūkoro Ohotata
He tangata pakiwaituhi e whakamahi ana i te Pāheke, Hīpoki me te Pupuri

He tohutohu mō te hunga hauā

Mehemea e pāngia ana koe e tētahi hauātanga, kei a koe rānei ētahi here ka nui ake tō noho mōrearea i te wā o te ohotata, rapua he tohutohu hei whakarite i a koe. Kitea ngā mahi ka taea e koe te mahi, ā, rapu mōhiohio ki te Reo Rotarota o Aotearoa, ki te hōputu ororongo hoki.

Rapua he tohutohu mō te hunga hauā