Mahi tūao
Mahi tūao hei āwhina i ō hoa koutou ko tō whānau ko tō hapori ā mua, ā roto, ā muri hoki i ngā ohotata.
Kei tēnei whārangi
Mahi tūao ki te whakahaerenga ohotata
Kei te nuinga o ngā hapori tētahi Pokapū o Te Rākau Whakamarumaru, tētahi pokapū hapori rānei. Ka taea e te hunga nō tērā rohe te piri tahi ki reira hei te wā o tētahi ohotata, ā muri hoki, hei tautoko tētahi i tētahi.
Hei te ohotata, ka whakatuwheratia ngā pokapū, ka whakahaerehia e ngā hapori kia taea e ngā tāngata te piri tahi hei āwhina i tō rātou hapori hei te wā o te ohotata, ā muri hoki.
Ka mahi ngā Rōpū Urupare o Aotearoa (New Zealand Response Teams) ki te taha o Te Rākau Whakamarumaru, o ngā ratonga ohotata, o ērā atu pokapū urupare, ā, kei te tautoko hoki i a rātou. Kei ngā wāhi puta noa i Aotearoa ngā rōpū.
I tēnei wā kei te mahi Te Rākau Whakamarumaru ki te hanga i te āheinga, i te raukaha o ngā kaimahi tūao he aumangea, he toitū hoki mō te whakahaerenga ohotata ki Aotearoa.
Whakapā atu ki tō Rōpū Whakahaere ā-rohe o Te Rākau Whakamarumaru kia whai mōhio ka pēhea tāu mahi tūao.
Rapua tō Rōpū Whakahaere o Te Rākau Whakamarumaru (CDEM).
Ngā Rōpū Urupare o Aotearoa (NZ-RT)
He rōpū kaiurupare ohotata matatau ngā NZ-RTs. E tautoko ana rātau i Ngā Rōpū o Te Rākau Whakamarumaru me ō rātau hapori i te wā o tētahi ohotata. Ka mahi tahi ngā NZ-RT me ngā ratonga ohotata. He rōpū e hora ana puta noa i Aotearoa.
He maha ngā mahi a ngā NZ-RT i roto i tētahi ohotata, tae atu ki te:
- tautoko i ngā ratonga ohotata
- āwhina me ngā whakatahinga
- whakahaere Pokapū Rākau Whakamarumaru
- mahi tahi me Ngā Rōpū o Te Rākau Whakamarumaru ki te whakarite i ngā urupare ohotata.
Whiwhi mōhio mō New Zealand Response Teams me ō rātau wāhi puta noa i Aotearoa.
Te hanga i te āheinga, i te raukaha o ngā kaimahi tūao he aumangea, he toitū hoki
I tēnei wā kei te mahi Te Rākau Whakamarumaru ki te whakapakari i te āheinga, i te raukaha o ngā kaimahi tūao he aumangea, he toitū hoki mō te whakahaerenga ohotata ki Aotearoa. E ū ana a Te Rākau Whakamarumaru, tahi ki a Whakaratonga Iwi, ki Ngā Pirihimana o Aotearoa, ki a Rapa Taiwhenua, ki a Manatū Hauora, ki te whai i tētahi tauira e tika ana mō te take, ā, e pīngore ana kia whakatutuki i ngā wero o te wā e heke mai ana whakawhiti atu i te urupare, i te whakarauora hoki.
Rapu Whakarauora Aotearoa
He maha ngā whakahaere rerekē e tuku ana i ngā ratonga rapu me te whakaora i Aotearoa. Ka mahi tahi a Rapa Taiwhenua, Coastguard New Zealand, Amateur Radio Emergency Communications, me Surf Life Saving New Zealand i ngā ohotata ki te kimi i te hunga ngaro, kāore i kitea, me te whara.
He whakahaere tūao ā-motu a Rapa Taiwhenua (LandSAR). He tuku āwhina rapu me te whakaora ki te hunga ka ngaro, kāore i kitea, me te whara puta noa i Aotearoa.
E tuku āwhina rapu me te whakaora a Coastguard New Zealand ki te hunga kei te moana. Ka whakahaere rātau i ngā kaupapa mātauranga me ngā kaupapa hapori mō te haumaru i te moana.
He kotahitanga a Amateur Radio Emergency Communications (AREC) o ngā kaitūao e whakamahi ana i ngā pūkenga whakawhitiwhiti kōrero me te hangarau hei tautoko i te rapu me te whakaora i Aotearoa.
E whakarato ana a Surf Life Saving New Zealand i ngā ratonga pouora me te whakaora ohotata. He tuku anō rātau i ngā kaupapa haumaru i te ākau ki te iwi whānui.
Whakaratonga Iwi
Nō Whakaratonga Iwi te kawenga mō te ārai ahi, mō te urupare, mō te tāmitanga hoki.
Me mahi tūao me Whakaratonga Iwi hei āwhina i ngā hapori ki te ārai, takatū, urupare me te whakaora mai i ngā ohotata.
Mahi tūao me Whakaratonga Iwi. Nō Whakaratonga Iwi te kawenga mō te ārai ahi, mō te urupare, mō te tāmitanga hoki.
Volunteering New Zealand
Ko Volunteering New Zealand (VNZ) tētahi rōpū o ngā pokapū mahi tūao, o ngā whakahaere ā-motu, aha atu anō hoki, whai takohanga ki te mahi tūao.
Ka taea e VNZ te tūhono i a koe ki ētahi ara mahi tūao.
Mahi tūao ki tō hapori. Ko Volunteering New Zealand tētahi rōpū o ngā pokapū mahi tūao, o ngā whakahaere ā-motu whai takohanga ki te mahi tūao.
Āwhinatia
Āwhina kia noho haumaru tō whānau rātou ko ō hoa ko tō hapori mā te uru atu ki te takatū ohotata.
