Fa‘u ha palani fakafāmili

Fa‘u ha palani fakafāmili ke mou haofaki ai. Fakakaukau atu ki he ngaahi me‘a ‘oku mou fiema‘u ‘i he ‘aho kotoa pē pea fakakaukau‘i ‘a e me‘a ‘e hoko kapau ‘e ‘ikai ke ma‘u kinautolu.

‘I he peesi ko ‘ení

Fakapapau‘i ‘oku fenāpasi ‘a ho‘omou palani fakafāmili ki he ngaahi fakatamaki fakatu‘upakeé mo e ngaahi palani ko ia ki he ngāue‘angá, ‘apiakó mo e ngaahi feitu‘u kehe ‘oku lahi taha ‘a ho‘omou ‘i aí.

Fakafonu ‘a e foomú pea paaki ia, fakapipiki ia ki he ‘aisí pea fakapapau‘i ‘oku ‘ilo‘i ‘e he tokotaha kotoa ‘a e palaní. Pe ko ha‘o tauhi ia ‘i he fa‘unga faile PDF pea ‘īmeili‘i atu ia ki ho fāmilí.

Kimu‘a pea mou toki kamatá

Fakapapau‘i kuo mou ‘osi fakakaukau‘i kotoa ‘a e ngaahi fiema‘u ‘a homou fāmilí, kau ai mo e:

Ko e palani ko ‘ení ma‘a hai?

Ngaahi kupu ‘o e fāmilí

Mēmipa {{$index+1}}

Hingoá

Fakaikiiki ki he Fetu‘utakí

‘Oku ‘i ai ha taha ‘oku faingata‘a‘ia fakaesino?

‘E ‘i ai nai ha taha ‘i homou familí ‘e fiema‘u tokoni ke fetukutuku ia pe ‘i ha‘á ne fihia ‘i ‘api lolotonga ‘o ha fakatamaki fakatu‘upakē? ‘Oku fakafalala nai ha taha ki ha ngaahi nāunau ki he fefononga‘akí pe ngaahi me‘angāue fakafaito‘o pe ngaahi me‘angāue kehe? ‘Oku fakafalala nai ha taha ki ha faito‘o tu‘utu‘unia ‘e he toketā? ‘Oku fe‘unga nai ‘a ‘enau ngaahi faito‘ó ki he ‘aho ‘e tolu pe lahi ange pe ‘i ai ha founga kehe ange kapau ‘oku ‘ikai mo‘ui ‘a e ‘uhila?

‘I ai ha pēpē pe fānau iiki?

‘Oku ‘i ai ha napikeni, hu‘akau efuefu mo e alā me‘a peheé ki he ‘aho ‘e tolu pe lahi ange kapau ‘oku tāpuni ‘a e ngaahi falekoloá mo e ngaahi hala? ‘Oku ‘i ai ha‘amou ngaahi nāunau ‘i ha kato to‘oto‘o kuo tokateu telia na‘a fiema‘u foki ke mou mavahe fakavavevave?

* Ko ha kato to‘oto‘o kuo tokateu (grab bag) ko ha ki‘i kato si‘isi‘i ia ‘oku ‘i ai ha vala māfana, ha kasa, letiō, nāunau ki he fuofua tokoní, me‘atokoni ma‘ama‘a mo ha vai.

‘I ai ha fanga monumanu lalata?

Ko ho‘omou fanga monumanú ko e fatongia ia ‘o kimoutolu. Fakapapau‘i ‘oku fakakau kinautolu ‘i ho‘omou palani ki he me‘a fakatu‘upakeé. ‘Oku ‘i ai ha‘amou me‘atokoni mo ha vai ma‘a kinautolu ki he ‘aho ‘e tolu pe lahi ange ai? ‘Oku ‘i ai ha‘amou ngaahi fa‘o‘anga monumanu (cages) pe fa‘o‘anga to‘oto‘o ke ‘ave mo tauhi malu ai kinautolu? ‘Oku ‘i ai nai ha taha ke ne ‘ave mo tokanga‘i ho‘omou fanga monumanú kapau ‘e ‘ikai te mou lava ‘o a‘u ki ‘api?

‘Oku ‘i ai ha toe taha ‘e fiema‘u tokoni?

‘Oku ‘i ai nai ha ngaahi kaungāme‘a, fāmili pe ngaahi kaungā‘api te nau fiema‘u ho‘omou tokoní ke nau hao ai ‘i ha me‘a fakatu‘upakē pe ke nau fetukutuku?

Tokotaha {{$index+1}}

Hingoá

Fakaikiiki ki he Fetu‘utakí

Ngaahi fakaikiiki ki he fetu‘utakí ‘oku ‘aonga

Fetu‘utakí 1

Hingoá

Fakaikiiki ki he Fetu‘utakí

Fetu‘utakí {{$index+2}}

Hingoá

Fakaikiiki ki he Fetu‘utakí

Taila ma‘u pē ‘a e 111 ‘i ha fakatamaki fakatu‘upakē. Fakakaukau atu ki he laine telefoni tokoni ‘a ho‘omou kōsilió ki he ngaahi fakatamaki fakatu‘upakeé, senitā fakafaito‘ó / toketaá, lenilootí, kautaha malu‘í, kautaha ‘uhilá, senitā ako‘anga tokamu‘á / ‘apiakó, ngāue‘angá mo e fāmilí.

Kapau ‘e ‘ikai ke tau lava ‘o a‘u ki ‘api

Ko hotau feitu‘u fakataha‘angá

Tānaki atu ha tu‘asila mo ha ngaahi fakahinohino.

Te mou fetaulaki ‘i fē kapau ‘e ‘ikai ke mou lava ‘o fetu‘utaki pea ‘ikai ke mou fakataha ‘i he taimi ‘oku hoko ai ha fakatamaki fakatu‘upakē? Te mou a‘u fēfē ki ai?

Ko hai te ne ‘ave ‘a e fānau?

Fetu‘utakí {{$index+1}}

Hingoá

Fakaikiiki ki he Fetu‘utakí

Ko hai te ne ‘ave ‘a e fānaú mei honau ‘apiakó, senitā ako‘anga tokamu‘á, tauhi‘anga he tuku ‘a e akó, mo e ngaahi alā me‘a peheé, kapau ‘e ‘ikai te ke lava ia? ‘Oku nau ‘ilo‘i nai? ‘Oku ma‘u nai ‘e he ‘apiakó / senitā ako‘anga tokamu‘á ‘a honau fakaikiiki?

Kapau ‘e ‘ikai ke tau lava ‘o fetu‘utaki

Fetu‘utakí {{$index+1}}

Hingoá

Fakaikiiki ki he Fetu‘utakí

Ko hai te ke fetu‘utaki ki ai? ‘Oku totonu ko ha tokotaha ia ‘i tu‘a meí he koló telia na‘a maumau ‘a e ngaahi laine telefoni fakakoló.

Te tau ma‘u ‘a e ngaahi fakamatala fakamuimuí meí he'

Sēnolo {{$index+1}}

Leitō / uepisaiti / mītia fakasōsialé

Te mou ma‘u fēfē ‘a e ngaahi ongoongo/fakatokanga fakamuimui taha? Ko e ngaahi kautaha letiō fē te ke fanongo ki ai? Ko e ngaahi uepisaiti mo e ngaahi peesi mītia fakasōsiale fē te ke vakai‘i?

Kapau ‘oku tau fihia ‘i ‘api

‘Oku ‘i ai nai ha‘atau ngaahi nāunau ki he fakatamaki faktu‘upakē?

Hiki ha fakamatala fakaikiiki ki he feitu‘u ‘oku tauhi ai ‘a e ngaahi nāunau ki he fakatamaki fakatu‘upakeé

‘Oku ‘i ai ha‘amou me‘atokoni mo e inu ki ha ‘aho ‘e tolu pe lahi ange (ma‘á e tokotaha kotoa pē ‘o kau ai ‘a e fanga ki‘i pēpeé mo e fanga monumanu lalata)? ‘Oku ‘i ai nai ha‘amou kasa, letiō mo ha maka kiate kinaua fakato‘uosi? Fēfē ‘a e nāunau ki he ‘uluaki tokoní / fakafaito‘o? ‘Oku ‘ikai fiema‘u ia ke nau ‘i ha puha lahi pē ‘e taha, ka ‘e ala fiema‘u ke mou kumi kinautolu ‘i he fakapo‘ulí.

‘Oku tau ‘ilo‘i pe ‘oku tāmate‘i fēfe‘i ‘a e vai, ‘uhila mo e kasa?

Hiki ha fakamatala ki he founga ‘o hono tāmate‘i ‘o e vaí, ‘uhilá mo e kasá

Toki tāmate‘i pē kinautolu kapau ‘okú ke mahalo‘i ha mama pe maumau ha ngaahi laine ‘uhila pe kapau kuo tu‘utu‘uni atu ‘e he kau ma‘u mafaí ke fakahoko ‘eni. Kapau te ke tāmate‘i ‘a e kasá, te ke fiema‘u ha tokotaha polofesinale ke ne toe fakamo‘ui ia.

Kapau ‘oku mate ‘a e ‘uhilá

Hiki ha fakamatala ki he me‘a ‘oku fiema‘u ke fai ‘e homou fāmilí kapau ‘oku mate ‘a e ‘uhilá

Ko e hā ‘e fiema‘u ke fai kapau ‘oku mate ‘a e ‘uhila? ‘E anga fēfē ha‘amou feime‘atokoni, māfana, lava ‘o sio ‘i he fakapo‘uli? ‘Oua ‘e ngāue‘aki ha te‘elango he ‘e ala fakatu‘utāmaki ia ke hoko ai ha vela. ‘Oku ‘i ai ha‘o pa‘anga pepa talifaki telia na‘a ‘ikai ngāue ‘a e ngaahi mīsini ATM? ‘Oku ‘i ai nai ha‘amou penisini fe‘unga telia na‘a ‘ikai ngāue ‘a e ngaahi pamu ‘utu?

Kapau ‘oku ‘ikai ke ‘i ai ha‘atau vai

Hiki ha fakamatala ki he me‘a ‘oku fiema‘u ke fakahoko ‘e homou fāmilí

Ko e hā ‘e fiema‘u ke mou fakahoko kapau ‘oku ‘ikai ke ‘i ai ha vai? ‘Oku ‘i ai ha‘amou vai inu fe‘unga (lita ‘e tolu ki he tokotaha ‘i he ‘aho, ki ha ‘aho ‘e tolu pe lahi ange)? ‘Oku ‘i ai ha vai ma‘a ho‘omou fanga monumanu lalata? Ko e hā te mou feime‘atokoni mo fakama‘a ‘api ‘aki? Ko e hā te mou faka‘aonga‘i ki ha falemalōlō?

Kapau ‘e fiema‘u ke tau mavahe fakavavevave

‘Oku ‘i ai nai ha‘atau fanga ki‘i kato to‘oto‘o kuo tokateu?

Hiki ha fakamatala fakaikiiki ki he feitu‘u ‘oku tauhi ai ho‘omou kato to‘oto‘o kuo tokateú

‘Oku ‘i ai nai ha kato to‘oto‘o kuo tokateu* ‘a e tokotaha kotoa pē telia na‘a fiema‘u ke mou mavahe? Fēfē ‘i ‘api, ‘i he ngāué, pe ‘i he me‘alele?

Te tau ō ki fē?

Hiki ha fakamatala fakaikiiki ki he feitu‘u te mou ō ki aí mo e founga ‘o ho‘omou a‘u ki aí

Te mou ō ki fē telia na‘a fiema‘u ke mou fetukutuku? Te mou a‘u fēfē ki ai? Kapau ‘oku mou nofo ofi ki he matāfangá, fakapapau‘i ko ha feitu‘u ia ‘i tu‘a ‘i he ngaahi feitu‘u kotoa ‘oku fiema‘u ke fetukutuku mei ai ‘i ha peaukulá. Te mou nofo ‘i fē kapau ‘e ‘ikai te mou lava ‘o foki ki homou ‘api?'

Tukuhifo ha sīpinga ‘i he fa‘unga faile PDF

‘Okú ke sai‘ia ange ke hiki tohinima ‘a ho‘omou palani ki he me‘a fakatu‘upakē? Ongo‘i tau‘atāina ke tukuhifo mo paaki ‘a e tatau pepa ‘o e PDF ki he sīpinga ‘o ‘emau palaní (Make a Plan).