Malu ‘o e fakamatalá

Malu fakalūkufua ‘a e fakamatalá ‘i he uepisaití

Ko e uepisaiti ‘a e New Zealand GetReady (ko e “Uepisaiti”) ‘oku fakalele ia ‘e he National Emergency Management Agency ‘a ia ko ha va‘a ngāue tu‘u tau‘atāina ia ‘oku ‘i he malumalu ‘o e Department of the Prime Minister and Cabinet (ko e “Potungāue”). ‘Oku fakahā atu ‘e he tu‘utu‘uni ngāue ko ‘eni ki he tauhi malu ‘o e fakamatalá kiate kinautolu ‘oku nau ngāue‘aki ‘a e Uepisaití ‘a e taimi ‘oku mau tānaki ai ‘a e fakamatala fakatāutahá mo e me‘a ‘oku ngāue‘aki ia ki aí.

Te ke lava ‘o vakai takai holo mo mamata‘i ‘a e fakamatala ‘oku ma‘u ‘i he uepisaiti ko ‘ení ‘o ‘ikai ‘omai ha fakamatala fakatāutaha ai.

Kapau ‘okú ke ‘omai ha fakamatala (kau ai ha fakamatala fakafo‘ituitui) kiate kimautolu (hangē ko ha fakafou mai ‘i ha ngaahi foomu ‘i he ‘initanetí), te mau ngāue‘aki ‘a e fakamatala ko iá:

• ke fakalele‘aki, fakafuofua‘i, fakalelei‘i, mo tauhi ke malu ‘a ‘emau ngaahi fa‘unga ICT, ‘emau uepisaití, mo e fakamatala ‘oku ‘i loto ‘i he‘emau uepisaití (ki he ngaahi taumu‘a ki he ICT mo e uepisaití)
• ke fakalelei‘i‘aki ‘a ‘emau ngaahi sēvesí
• ke fakahoko ha ngāue pe tali atu ki he fakamatala kuo ‘omaí mo fetu‘utaki atu ai kiate koe
• ‘i he taimi ‘oku fiema‘u pe fakangofua ai ke tuku atu ‘a e ngaahi fakamatala ko iá ‘e he laó
• ‘o hangē ko ia kuo fokotu‘u atu ‘i ha ngaahi tu‘utu‘uni mo e ngaahi makatu‘unga tu‘upau (hangē ko e ngaahi tu‘utu‘uni mo e ngaahi makatu‘unga ki ha ngaahi fe‘auhi ‘o hangē ko e Get Ready challenge). 

Te mau tauhi ha fa‘ahinga fakamatala pehē ke malu pea te mau ala vahevahe atu ia mo ha ngaahi kautaha fehokotaki (third parties) ki ha tu‘unga pē ‘e fiema‘u ki he ngaahi sēvesi ‘oku nau fakahoko mai ma‘a kimautolu ‘o felāve‘i mo e ICT mo e uepisaití.

‘Oku mau ma‘u ha polokalama fakakomipiuta ke muimui‘i‘aki pe ko e fē ‘a e ngaahi peesi ‘oku fai ki ai ‘a e ‘a‘ahí ke tokoni mai ke mau ‘ilo‘i ai ‘a e ngaahi tafa‘aki manakoa taha ‘o ‘emau uepisaití. ‘Oku fakatahataha‘i fakalūkufua ‘a e fakamatalá pea ‘e ‘ikai ke mau lava ‘o ‘ilo‘i mei ai ‘a e kau ‘a‘ahi fakafo‘ituituí.

Ko e ngaahi fakamatala fakatāutaha ‘oku tānaki ‘e he National Emergency Management Agency ki he ngaahi taumu‘a ‘o ha Fe‘auhi, ‘e toki ngāue‘aki pē ia ‘i hono fakafehokotaki ki he Fe‘auhi ko iá pe kapau kuo ‘osi fokotu‘u atu ia ‘i he Ngaahi Tu‘utu‘uni mo e Ngaahi Makatu‘unga ki he Fe‘auhí.

‘Okú ke ma‘u ‘a e totonu ke kole ha tatau ‘o ha fa‘ahinga fakamatala fakatāutaha ‘oku mau ma‘u fekau‘aki mo koé, pea kole ke fakatonutonu ia ‘o kapau ‘okú ke pehē ‘oku hala.

Kapau ʻoku ʻi ai ha meʻa ʻokú ke hohaʻa ki ai fekauʻaki mo e fakamatala fakatautaha ʻoku mau tauhí, kātaki ‘o ‘omai ha ʻimeili ki he information@dpmc.govt.nz pe tohi ki he: 

The Privacy Officer
Department of the Prime Minister and Cabinet
Parliament Buildings
Wellington